მოჰამედ სალაჰი პრემიერ ლიგის ყველა დროის ბომბარდირთა ხუთეულში შევიდა

პრემიერ ლიგის რიგით 28-ე ტურში ლივერპული საუთემპტონთან პირველ ტაიმს სახლში 0:1-ს აგებდა, თუმცა სლოტის ბიჭებმა საქმეს მეორე ტაიმში მიხედეს და 3:1 იმარჯვეს.

რა თქმა უნდა, მოჰამედ სალაჰმა თავის გამოჩენა ამ შეხვედრაშიც შეძლო. ეგვიპტელმა ფარაონმა ორი პენალტი გაიტანა და პრემიერ ლიგის ყველა დროის ბომბარდირთა ხუთეულში შევიდა.

აფრიკელ ფეხბურთელს ახლა 184 გოლი აქვს გატანილი და მეხუთე ადგილს კუნ აგუეროსთან იყოფს, მის წინ კი ენდი კოულო, უეინ რუნი, ჰარი კეინი და ალან შირერი არიან.