ნაპოლი ფედერიკო კიეზას დამატებას შეეცდება - ფეხბურთელს ლივერპულის დატოვება სურს

„ლივერპულის“ იტალიელი შემტევი ფედერიკო კიეზა კლუბის დატოვებასა და სერია A-ში დაბრუნებას გეგმავს. გავრცელებული ინფორმაციით, ფეხბურთელი საკუთარი პოზიციით უკმაყოფილოა, რადგან ინგლისურ გუნდში სათამაშო დრო თითქმის არ ეძლევა.

გასულ სეზონში კიეზამ მხოლოდ ორი გოლი გაიტანა და ძირითადში მუდმივი ადგილი ვერ მოიპოვა. იტალიური მედიის ცნობით, მისი ტრანსფერით ყველაზე მეტად „ნაპოლი“ არის დაინტერესებული და მოლაპარაკებების დაწყებაც იგეგმება.

შეგახსენებთ, რომ კიეზა ადრე „იუვენტუსსა“ და „ფიორენტინაში“ თამაშობდა და იტალიაში დაბრუნება მისთვის პირადი პრიორიტეტია.