ნიკო პასმა და კომომ ტოტენჰემის 70-მილიონიანი შეთავაზება უარყვეს

„ტოტენჰემმა“ 20 წლის არგენტინელი ნახევარმცველის, ნიკო პასის ტრანსფერზე „კომოს“ 70 მილიონიანი წინადადება გაუგზავნა, თუმცა იტალიურმა კლუბმა შეთავაზება დაბლოკა.

ეს უკვე მეორე შემთხვევაა მიმდინარე სატრანსფერო ფანჯარაში, როცა ლონდონურ გუნდს მიზნის მიღწევა გაუჭირდა – მანამდე „დეზებში“ გადასვლაზე ებერეჩი ეზემ თქვა უარი.

ფაბრიციო რომანოს ინფორმაციით, თავად პასიც წინააღმდეგი იყო ტრანსფერის. ის თავს „კომოში“ კომფორტულად გრძნობს და მის გეგმებში ჯერ იტალიაში თამაშია, შემდეგ კი „რეალში“ დაბრუნება.

შეგახსენებთ, არგენტინელი ფეხბურთელი „რეალის“ აკადემიის აღზრდილია და 2024 წელს „კომოში“ 6 მილიონ ევროდ გადავიდა. კონტრაქტის მიხედვით, „სამეფო კლუბს“ მისი დაბრუნება 10 მილიონად შეუძლია.