ოფიციალურად: საბა საზონოვი კარიერას ლა ლიგის კლუბში გააგრძელებს

„ტორინოს“ ცენტრალური მცველი საბა საზონოვი მიმდინარე სეზონს იჯარის წესით ესპანეთის „ხეტაფეს“ რიგებში გაატარებს. ინფორმაციას ტრანსფერების ექსპერტი ჯანლუკა დი მარციო ავრცელებს.

წყაროს ცნობით, ქართველი ფეხბურთელი ესპანურ გუნდს 1-წლიანი იჯარის წესით შეუერთდება. გასული სეზონი საზონოვმა ასევე იჯარით „ემპოლიში“ გაატარა, თუმცა ჯვარედინა მყესები გაიწყვიტა, რის გამოც ვერ ითამაშა.

საზონოვი „ტორინოს“ რიგებში 2023 წელს მოსკოვის „დინამოდან“ 3 მილიონ ევროდ გადავიდა.

„ხეტაფე“ კი ამ დროისთვის ლა ლიგის ცხრილში 3 ტურის შემდეგ მე-5 პოზიციაზეა.