პირველი მოგება პრემიერ ლიგაში - ამორიმის იუნაიტედმა ევერტონთან იფრინა

სულ ცოტა ხნის წინ დასრულდა პრემიერ ლიგის მე-13 ტურის ერთ-ერთი გამორჩეული და საინტერესო შეხვედრა, რომელშიც მანჩესტერ იუნაიტედმა ოლდ ტრაფორდზე ევერტონს უმასპინძლა.

აღნიშნული შეხვედრა რუბენ ამორიმისთვის პრემიერ ლიგაში რიგით მეორე გახლდათ. პირველი ამორიმის გუნდმა იფსვიჩთან 1:1 ითამაშა, ახლა კი "წითელმა ეშმაკებმა" იფრინეს და მეტოქეს 4:0 მოუგეს.

მასპინძელი გუნდიდან 2-2 გოლი მარკუს რაშფორდმა და ჯოშუა ზირკზემ გაიტანეს, ასისტების დუბლი კი ბრუნო ფერნანდეშმა და ამად დიალომ შეასრულეს.

ამ მომენტისთვის მანჩესტერი პრემიერ ლიგის ცხრილის მე-9 ადგილს 19 ქულით იკავებს.