პოლონეთის პროკურატურა სეიმს ყოფილი მთავრობის მეთაურის იმუნიტეტის მოხსნას სთხოვს

პოლონეთის ეროვნულმა პროკურატურამ სეიმს მიმართა თხოვნით, რათა იმუნიტეტი ჩამოართვას ყოფილ პრემიერ-მინისტრ მატეუშ მორავიეცკის. როგორც "პოლონეთის ბეჭდვითი სააგენტო" იუწყება, პროკურორებს სურთ, რომ პოლიტიკოსს სისხლის სამართლის პასუხისმგებლობა დაეკისროს 2020 წლის საპრეზიდენტო არჩევნებში საფოსტო კენჭისყრის ორგანიზების მცდელობისთვის.

ეს მოხდა კორონავირუსის პანდემიის პირობებში. კანონი დისტანციური კენჭისყრის შესახებ მმართველმა პარტიამ "კანონი და სამართალი" იმ დროს, ოპოზიციის პროტესტის მიუხედავად, მიიღო. თუმცა, კენჭისყრა არჩევნების თარიღამდე სამი დღით ადრე გაუქმდა. ხმის მიცემა, ძირითადად, პირდაპირ წესით იმავე წლის ივნისსა და ივლისში, ჩატარდა.

გამოძიების თანახმად, მორავიეცკიმ ხმის მიცემის ორგანიზებისას გადააჭარბა თავის უფლებამოსილებას, რამაც ბიუჯეტს ზიანი მიაყენა 56,4 მილიონი ზლოტის ოდენობით (13,6 მილიონი დოლარი). პოლიტიკოსს ამ ბრალდების დამტკიცების შემთხვევაში რეალური პატიმრობა ემუქრება.

56 წლის მორავიეცკი პოლონეთის მთავრობას 2017 წლიდან 2023 წლამდე ხელმძღვანელობდა. ამჟამად ის სეიმის წევრია პარტიიდან "კანონი და სამართალი", რომელიც ამჟამად ოპოზიციაშია. მისთვის იმუნიტეტის ჩამორთმევის მიზნით, პროკურატურის მოთხოვნა დეპუტატებმა უნდა განიხილონ, მათ გადაწყვეტილებას ხმათა უმრავლესობით უნდა დაუჭირონ მხარი.