პორტო არსენალის 2 მცველით დაინტერესდა - არტეტა თანახმაა, მაგრამ ერთი პირობით

პორტუგალიური „პორტო“ ლონდონის „არსენალის“ მცველებით – იაკუბ კივიორითა და ოლექსანდრ ზინჩენკოთი ინტერესდება. TeamTalk-ის ცნობით, მიკელ არტეტა მზად არის მათი გაშვებისთვის, თუმცა მხოლოდ იმ შემთხვევაში, თუ კონტრაქტში იჯარა სავალდებულო გამოსყიდვის პირობით ჩაიწერება.

გავრცელებული ინფორმაციით, „პორტო“ კივიორის სანაცვლოდ მომავალ ზაფხულს 30 მილიონ ევროს გადაიხდის, ზინჩენკოს ფასი კი დაახლოებით 10-15 მილიონ ევროდ არის შეფასებული.

ფაბრიციო რომანოს ინფორმაციით, თუ „არსენალი“ ორივე ფეხბურთელს გაუშვებს, კლუბი აუცილებლად შეიძენს მარცხენა ფეხით მოთამაშე ცენტრალურ მცველს. აღსანიშნავია, რომ კივიორსაც და ზინჩენკოსაც სათამაშო პრაქტიკის დეფიციტი აქვთ, რაც შეთანხმების შანსს ზრდის.