რას აკეთებს გამოცდილი დიასახლისის მაცივარში ტუალეტის ქაღალდი და ფრჩხილის ლაქი

უმეცრებს ეჩვენებათ, რომ უმეტესი ოჯახების მაცივრების შიგთავსი მეტნაკლებად მსგავსია. დიდ ოჯახებში მეტი რეზერვია, მარტოხელის სახლში ნაკლები, მაგრამ სხვა დიდი განსხვავება არაა. გულწრფელად რომ ვაღიარო, მეც ასე ვფიქრობდი, სანამ დედამთილის მაცივარში არ შევიხედე. მაცივარში პროდუქტების გარდა ვიპოვე ბევრი ნივთი, რომელთა ადგილი, ჩემი აზრით, იქ არაა! მალე კი გავარკვიე, რომ ვცდებოდი.

მაცივრის უჩვეულო შიგთავსი

საკვების შესაფუთი პარკი

მაცივარში შესაფუთი პარკის მუდმივად შენახვა საჭირო არაა, მაგრამ კარგი იქნება, თუ გამოყენებამდე 5–7 წუთით ადრე საყინულეში შეინახავთ. ასე შეწებებას შეწყვეტს და უფრო მოსახერხებელი გახდება გამოსაყენებლად. არ დაგავიწყდეთ საყინულიდან რულონის გამოღება, წინააღმდეგ შემთხვევაში, მასალა გაფუჭდება.

ლითონის დამხმარე ჭურჭელი

როგორც წესი, ყველა ეს ჭურჭელი მათთვის დანიშნულ უჯრებში უნდა ინახებოდეს, მაგრამ გამოყენებამდე, მაგალითად, ლითონის ქვაბი და სათქვეფი 15 წუთით ადრე მაცივარში შეინახეთ, სანამ ნაღების ათქვეფას დაიწყებთ. თავად დარწმუნდებით, რომ ამის შემდეგ ათქვეფილი ნაღები იდეალური გამოვა.

კოსმეტიკა

ფრჩხილის ლაქი, ორგანული კოსმეტიკური საშუალებები და ყველა სახის შრატი მაცივარში უფრო დიდხანს ინარჩუნებს ვარგისობას. გარდა ამისა, კანის მოვლის ცივი საშუალებები უფრო ეფექტურია. არ დაგავიწყდეთ, რომ გამოსაყენებლად წინასწარ მოამზადოთ, რომ, მაგალითად, იგივე ფრჩხილის ლაქი ბლანტიდან ისევ თხელი გახდეს.

ფქვილი

კულინარიის ექსპერტები ამბობენ, რომ მთელი მარცვლეულის ხორბლის ფქვილი მაცივრის სიღრმეში ჰერმეტულად დახურულ კონტეინერში უკეთ ინახება. მეთოდი მთელი მარცვლეულის ფქვილის ყველა სასარგებლო კომპონენტის შენარჩუნების გარანტიას იძლევა, ასევე უსიამოვნო ობისგან იცავს.

ზეთი, თესლი, კაკალი

კაკალში, ყაყაჩოს თესლში და სეზამის თესლში ბევრი ნატურალური ზეთია. სითბოში ეს ზეთი სწრაფად ფუჭდება. მაცივარში ჰერმეტულ კონტეინერში კაკლის და თესლის შესანახად იდეალურია. მცენარეული ზეთი სიცივეში დიდხანს ინახება, ვიდრე მისთვის ჩვეულ ადგილას, ქურასთან.

ყვავილები

ალბათ, შეგინიშნავთ, რომ ფლორისტი თაიგულებს მაცივრებში ინახავს. საქმე იმაშია, რომ სიცივეში ყვავილები სიქორფეს დიდხანს ინარჩუნებს. თაიგული რაიმე ღონისძიებისთვის წინასწარ შეგიძლიათ იყიდოთ, თუ მაშინვე მაცივარში შეინახავთ.

ტუალეტის ქაღალდი

ქაღალდს სიცივე არ სჭირდება, მაგრამ მისი რულონი მაცივარში უსიამოვნო სუნის გაქრობაში და ზედმეტი ტენის მოშორებაში დაგეხმარებათ. ტუალეტის ქაღალდი შთანთქავს სუნს და სითხეს. მთავარია, არ დაგავიწყდეთ, რომ კვირაში ერთხელ რულონი ახლით შეცვალოთ.