3 days ago
1
რუსეთის როსტოვის რეგიონზე განხორციელდა სარაკეტო თავდასხმა - აცხადებს გუბერნატორის მოვალეობის შემსრულებელი იური სლიუსარი და დასძენს, რომ იერიშისას 10 რაკეტა ჩამოაგდეს.
მალაია-კამენკის დასახლებულ პუნქტში რაკეტების ნამსხვრევებისგან ცეცხლი გაუჩნდა საცხოვრებელ სახლს, დაზიანდა ახლოს მდებარე კიდევ რამდენიმე ნაგებობა, რაკეტის ფრაგმენტები აღმოაჩინეს სხვა ეზოშიც. წინასწარი მონაცემებით, მსხვერპლი არ არის.
ნოემბრის შუა რიცხვებში სლიუსარი აცხადებდა, რომ უკრაინის გრძელი რადიუსის რაკეტების დარტყმის საფრთხე ვრცელდებოდა როსტოვის ოლქის ყველა ობიექტზე. "მომავალი პერიოდი არ იქნება მარტივი. გრძელი რადიუსის რაკეტები ითვალისწინებს საფრთხის სხვა ფორმას. ეს პირდაპირ ეხება როსტოვს, უწყებებს, ჩვენს ყველა ობიექტს", - წერდა მაშინ სლიუსარი.
11 დეკემბრის ღამეს უკრაინის რაკეტებმა ტაგანროგზე განახორციელეს იერიში. რუსეთის თავდაცვის სამინისტრომ განაცხადა, რომ პირადი შემადგენლობის რიგებში არიან დაშავებულები, თუმცა მათი რაოდენობა და ჭრილობების სიმძიმე არ დაზუსტებია.
English (US) · 
Georgian (GE) ·