1 week ago
3
რუსეთის სასამართლოებმა დაიწყეს პირველი საქმეების განხილვა იმ საერთაშორისო არასამთავრობო ორგანიზაციებში მონაწილეობის მუხლით, რომლებიც არ არიან რუსეთში რეგისტრირებული. ოქმების შესახებ „მედიაზონა“ იუწყება.
სულ მცირე სამი ასეთი შემთხვევა გამოვლინდა. პეტერბურგის ორმა სასამართლომ მიიღო ოქმები სამშენებლო კომპანიების დამფუძნებლის, დმიტრი დიუკარისა და მოპირკეთების საქმეებით დაკავებული ალექსანდრ დერევიანკოს წინააღმდეგ. ორივემ უარი უთხრა „მედიაზონას“ ბრალდებების თაობაზე კომენტარის გაკეთებაზე.
ყაზანის სასამართლო კიდევ ერთ საქმეს განიხილავს - ილდარ იბრაგიმოვის წინააღმდეგ, რომლის შესახებაც ჯერ არაფერია ცნობილი.
რუსეთში დაურეგიტრირებელ არასამთავრობო ორგანიზაციებში მონაწილეობის შესახებ მუხლი 2023 წლის ზაფხულში მიიღეს. ამ მუხლით ბრალდებულ პირებს ემუქრებათ ჯარიმა ხუთი ათას რუბლამდე, იურიდიულ პირებს - ასი ათასამდე. უცხოელები შესაძლოა რუსეთიდან გააძევონ კიდეც. ერთი წლის განმავლობაში ამ მუხლით (ან არასასურველი ორგანიზაციების შესახებ მუხლით) განმეორებით დევნის შემთხვევაში უკვე ორ წლამდე თავისუფლების აღკვეთაა გათვალისწინებული.
უკრაინაში სრულმასშტაბიანი შეჭრის შემდეგ რუსეთის ხელისუფლება რეგულარულად აცხადებს უცხოურ ორგანიზაციებს არასასურველად ან ართმევს მათ რუსეთში რეგისტრაციას. მაგალითად, 2022 წლის აპრილში იუსტიციის სამინისტრომ ერთდროულად დახურა ცამეტი ორგანიზაციის რუსული ფილიალი.
English (US) · 
Georgian (GE) ·