გართობა artinfo.ge კითხვის დრო: 2 წთ.
მსახიობ ასმათ ტყაბლაძის მიმართ სამარცხვინო გადაწყვეტილება მიიღო დუშეთის კულტურის განყოფილებამ.
ანა ჟღენტი, ადვოკატი:
“ქალბატონ ასმათ ტყაბლაძეს, ჩვენს უსაყვარლეს მსახიობს, პატრიოტ ადამიანს, ქვეყნისა და ერის მოამაგეს, ყველანი ვიცნობთ და გვიყვარს. დუშეთობამდე ერთი კვირით ადრე, მას დაუკავშირდნენ დუშეთის კულტურის განყოფილებიდან, რომ ის წარდგენილია ამ ქალაქის საპატიო მოქალაქეობის წოდებაზე.
დუშეთობამდე ერთი დღით ადრე კი, კვლავ დაურეკეს იგივე განყოფილებიდან და დიდი ბოდიშის მოხდით უარი უთხრეს.
სამაგიეროდ, დემნა გვასალია გვყავს თბილისის საპატიო მოქალაქე!
სირცხვილია, უბრალოდ, სირცხვილი, თორემ ასმათ ტყაბლაძე სამშობლოს სიყვარულით სუნთქავს და თქვენი ჩინ-მედლები არ სჭირდება!
ქალბატონო ასმათ, თქვენ არათუ საპატიო მოქალაქე, არამედ სახალხო არტისტი ხართ, თქვენ ქართველებს და ერს უყვარხართ!”
