paraleli.ge ახალი ამბები სააგენტო "პარალელი"
სამეფო გვიმრა (Osmunda regalis L.) – ჩვენი ველური ბუნების ერთ-ერთი უძველესი ბინადარია
ველური ბუნების ეროვნული სააგენტო საქართველოს ფლორის შესახებ საინტერესო მასალების გამოქვეყნებას აგრძელებს, ამჯერად გაეცანით საინტერესო ფაქტებს სამეფო გვიმრაზე (Osmunda regalis L.):
იცით თუ არა, რომ საქართველოს ფლორა 180 მილიონი წლის ისტორიის მქონე მცენარე მოიცავს?
სამეფო გვიმრა (Osmunda regalis L.) ჩვენი ველური ბუნების ერთ-ერთი უძველესი ბინადარია. ამ შთამბეჭდავი რელიქტური სახეობის მრავალსაუკუნოვან წარსულს არქეოლოგიური გათხრების შედეგად აღმოჩენილი ნამარხებიც ადასტურებს.
სხვა გვიმრებისგან განსხვავებით, მისი სორუსები (სპორანგიუმები) ცენტრალური ფოთლების წვეროზე ვითარდება. მომწიფებისას ისინი ოქროსფერ-ყვითელ ელფერს იღებენ, ყვავილოვან თანაყვავილედს ემსგავსებიან და მცენარეს სამეფო იერსახეს სძენენ.
იზრდება 2 მეტრამდე სიმაღლის, აქვს უხვად დატოტვილი, მუქი მწვანე, დიდი ზომის დეკორატიული ფოთლები. ველურ ბუნებაში ძირითადად ჭაობებსა და წყალსატევების ნაპირებზე გვხვდება.
სამეფო გვიმრა (Osmunda regalis L.) – ჩვენი ველური ბუნების ერთ-ერთი უძველესი ბინადარია
პარალელი
