სამწუხარო ინფორმაცია – გარდაიცვალა ცნობილი პოლიტიკოსი

81 წლის ასაკში გარდაიცვალა გერმანიის ყოფილი პრეზიდენტი ჰორსტ კიოლერი.

ის ამ პოსტს 2004-2010 წლებში იკავებდა.

„ჩვენ დავკარგეთ ძალიან პატივსაცემი და უზომოდ გავლენიანი ადამიანი, რომელმაც დიდ საქმეებს მიაღწია ჩვენი ქვეყნისა და მსოფლიოსთვის“, – წერს გერმანიის მოქმედი პრეზიდენტი ფრანკ-ვალტერ შტაინმაიერი სამძიმრის წერილში.

კიოლერი ცნობილია იმით, რომ აფრიკას მსოფლიო განვითარებისთვის დიდი პოტენციალის მქონე კონტინენტად მიიჩნევდა და იქ არაერთხელ იყო ნამყოფი ოფიციალური ვიზიტით.