“სამწუხაროა და დიდ შეცდომად მიმაჩნია, რომ “წულუკიანის კომისიაზე” არ მივიდნენ და ასევე არ დაახურეს თავზე “წულუკიანის კომისიას”, არ გამოიყენეს პირდაპირი ეთერი” – თაკო ჩარკვიანი

საკონსტიტუციო სასამართლოს სხდომებზე “ნაციონალური მოძრაობის” წარმომადგენლების გამოსვლას პოზიტიური შეფასებებით ეხმიანება პარლამენტის ყოფილი დეპუტატი, ოპოზიციონერი პოლიტიკოსი თაკო ჩარკვიანი:

“მოკლედ ასეა, თუ ვინმე ადევნებს თვალს ამ “პარტიების აკრძალვის”, ისტორიულ და სამარცხვინო, საკონსტიტუციო სასამართლო განხილვის პროცესს, უპირობოდ გამოიკვეთა ერთადერთი პარტიის უმაღლესი პროფესიონალიზმი (ვიმეორებ, ერთადერთი პარტიის) – “ნაციონალური მოძრაობის” მომხსენებელთა მიერ წარმოდგენილი მოხსენებებით, ვრცლად წარმოდგენილი ფაქტების განხილვით.

სამწუხაროა და დიდ შეცდომად მიმაჩნია, რომ “წულუკიანის კომისიაზე” არ მივიდნენ და ასევე – ასევე არ დაახურეს თავზე “წულუკიანის კომისიას”, არ გამოიყენეს პირდაპირი ეთერი ქვეყნის მასშტაბით და “ატლიკინეს” მონოლოგის რეჟიმში “ტიპები”, მაშინაც ასე ვფიქრობდი და ახლა მით უფრო გამიმყარდა ჩემი მაშინდელი პოზიცია, რომ უნდა მისულიყვნენ იმ რაღაც “კომისიაზე”, დღეს სასაცილოდ, უმწეოდ, უსუსურად გამოიყურებიან დაბნეული “მანტიამოსხმული” მოსამართლეები, ზუსტად იგივე იქნებოდა მაშინაც, ზუსტად იგივე, შეიძლება უარესიც, რადგან მონოლოგის რეჟიმში არ იქნებოდა “ზოგიერთი”…

არასდროს არ უნდა დაკარგო პირდაპირი საეთერო დრო, დღევანდელი დღეც ამის დასტურია…👏✌️🙏” – წერს თაკო ჩარკვიანი.