საქართველო მსხვილი ბიზნეს-ცენტრი ხდება, მალე დავბრუნდები - ტელეგრამის შემქმნელი დუროვი

„საქართველო მსხვილი ბიზნეს ცენტრი ხდება. ქვეყნის ეკონომიკა 5 წელიწადში გაორმაგდა და წელიწადში 8%-ით იზრდება. საერთაშორისო ტექნოლოგიური კომპანიები 0%-იან კორპორატიულ გადასახადს იხდიან და დივიდენდებსა და ხელფასებზე მხოლოდ 5%-ს“, - წერს ის X-ზე.

მისი თქმით, საქართველო არ არის „სათანადოდ დაფასებული, როგორც ტურისტული მიმართულება და ადგილი, სადაც ბიზნესის კეთებაა შესაძლებელი“.

ტელეგრამზე გავრცელებულ პოსტში დუროვი დასძენს, რომ საქართველოში ვიზიტს კვლავ გეგმავს - „ძალიან მალე“.

მის პოსტზე კომენტარებში ქართველი მომხმარებლების ნაწილი აღნიშნავს, რომ ბიზნესმენი არაფერს ამბობს „ქართული ოცნების“ მმართველობის ნაკლოვან მხარეებზე.

• მთაწმინდის პარკი, „სტამბა“, „პარაგრაფის“ რესტორანი თბილისში, ბათუმის სანაპირო - ეს ის ადგილებია, სადაც ერთ-ერთი ყველაზე უჩინარი და საკამათო რუსი მილიარდერი ბიზნესმენი პაველ დუროვი შეამჩნიეს.
• ყველა ეს კადრი სოციალურ ქსელებში 25 ივნისს გავრცელდა.
• უმეტესობა დუროვს იცნობს, როგორც სოციალური ქსელის „ვკონტაქტეს“ და ტელეგრამის შემქმნელს, ზოგი კი - როგორც ასზე მეტი ბავშვის ბიოლოგიურ მამას.

„ბატონი დუროვი არის ბიზნესმენი. მას ვერ ექნება ოფიციალური ვიზიტი. ჩვენთვის მისასალმებელია ნებისმიერი წარმატებული მეწარმის ვიზიტი საქართველოში. ჩვენ მხოლოდ და მხოლოდ მივესალმებით ამას“, - განუცხადა „ქართული ოცნების“ მთავრობის მეთაურმა ირაკლი კობახიძემ ჟურნალისტებს.