netgazeti 
საქართველოს საფეხბურთო ეროვნული ლიგის 2026 წლის სეზონი გადამწყვეტ ფაზაში გადადის. ჩემპიონატის დასრულებამდე 6 ტურით ადრე, ოქროს მედლებისთვის ბრძოლაში ერთბაშად ოთხი გუნდი მონაწილეობს.
30 ჩატარებული ტურის შემდეგ, 56 ქულით სატურნირო ცხრილის სათავეში „დინამო ბათუმი“ იმყოფება. აჭარლებს მხოლოდ 1 ქულით ჩამორჩება მოქმედი ჩემპიონი „იბერია 1999“. მესამე პოზიციას 54 ქულით „დინამო თბილისი“ იკავებს, ხოლო 52 ქულით ოთხეულს „რუსთავი“ ხურავს.
შეგახსენებთ, რომ მიმდინარე სეზონში „დინამო ბათუმმა“, კროკოს მხარდაჭერით, გულშემატკივრებისთვის სპეციალური წამახალისებელი პროექტი წამოიწყო — ბათუმელთა ყოველ საშინაო შეხვედრაზე შეძენილი ბილეთი მომგებიანია. სტადიონზე მოსულ ქომაგებს შანსი აქვთ, მოიგონ მთავარი პრიზი — FORD MUSTANG GT 5.0, რომლის გათამაშებაც გუნდის სეზონის ბოლო საშინაო მატჩზე გაიმართება.
სამწლიანი პაუზის შემდეგ, გიორგი ჭიაბრიშვილის კოლექტივს ჩემპიონობის ბრწყინვალე შანსი ეძლევა და ამ ეტაპზე ყველაფერი მათსავე ხელთაა. გარდა ამისა, აჭარულ კლუბს „ოქროს დუბლის“ შესრულების რეალური პერსპექტივაც აქვს — ისინი დავით ყიფიანის სახელობის საქართველოს თასის ნახევარფინალშიც არიან, სადაც 28 ოქტომბერს გორის „დილას“ უმასპინძლებენ.
გათამაშების სანახავად დააკლიკეთ ბმულს: https://bit.ly/Raffle-Dinamo
