საქართველოს უმეტეს რეგიონში კვლავ შუქი გაითიშა

ორი კვირის განმავლობაში, საქართველოს მასშტაბით, ელექტროენერგია უკვე სამჯერ გაითიშა.

ამ დროისთვის შეჩერებულია მეტროსა და საქალაქთაშორისი ტრანსპორტის მუშაობა, უცნობია ავარიული გათიშვის მიზეზი.

ინფორმაციის დასაზუსტებლად “ნეტგაზეთი” საქართველოს სახელმწიფო ელექტროსისტემის სამსახურთან დაკავშირებას ცდილობს, თუმცა უშედეგოდ.

შეგახსენებთ, რომ 24 ივლისს, დაახლოებით 00:10 საათზე ქვეყნის მასშტაბით ელექტროენერგიის მიწოდება ავარიულად შეწყდა. ელექტროენერგიის გარდა მოსახლეობის ნაწილს შეუწყდა წყალიც.  ენერგოკოლაფსი განმეორდა 25 ივლისსაც.