“საქართველოში ხელისუფლება პენსიონერებს მეორეხარისხოვან ადამინებად განიხილავს” – რომან გოცირიძე

საქართველოში არსებული ხელფასებისა და პენსიის თანაფარდობაზე საუბრობს პარლამენტის ყოფილი დეპუტატი, საქართველოს ეროვნული ბანკის ყოფილი პრეზიდენტი, ეკონომისტი რომან გოცირიძე და პარალელს ავლებს ევროკავშირის ქვეყნებთან:

“ჩვენთან საშუალო ხელფასი 2200 ლარია, საშუალო პენსია კი დაახლოებით 400 ლარი. პენსია ხელფასის 18 პროცენტია.

ასეთი მცირე შეფარდება ევროპის არცერთ ქვეყანაში არ არის. ეს იმაზე მიუთითებს, რომ საქართველოში ხელისუფლება პენსიონერებს მეორეხარისხოვან ადამინებად განიხილავს.

დეპუტატის ხელფასი ევროკავშირის სხვადასხვა ქვეყანაში 4-7 ჯერ მეტია საშუალო პენსიაზე, ჩვენთან 30-ჯერ აღემატება. ეს უკვე “ოცნების” ხელისუფლების სიხარბისა და თავხედობის მაჩვენებელია“, – აცხადებს რომან გოცირიძე.