სომხეთში ალიევის თანაშემწე ჰიქმეთ ჰაჯიევი სახმელეთო საზღვრით ჩავიდა

14 ივნისს დილიჯანში სომხეთის რესპუბლიკის უშიშროების საბჭოს მდივნის არმენ გრიგორიანისა და აზერბაიჯანის რესპუბლიკის პრეზიდენტის თანაშემწის ჰიქმეთ ჰაჯიევის სამუშაო შეხვედრა გაიმართა.

როგორც „არმენპრესი“ წერს, შეხვედრის მსვლელობისას მხარეებმა სომხეთსა და აზერბაიჯანს შორის სამშვიდობო დღის წესრიგთან დაკავშირებული საკითხები განიხილეს.

“ხაზი გაესვა ორმხრივი უწყვეტი დიალოგის მნიშვნელობას რეგიონში გრძელვადიანი მშვიდობისა და სტაბილურობის განმტკიცებისკენ მიმართული ძალისხმევის კონტექსტში. მხარეებმა ასევე გაცვალეს აზრები ორ ქვეყნის სამოქალაქო საზოგადოებებს შორის ორმხრივი ნდობის აღდგენის ღონისძიებების შესახებ. არმენ გრიგორიანი და ჰიქმეთ ჰაჯიევი შეთანხმდნენ სამუშაო კონტაქტების გაგრძელებაზე და აღნიშნეს, რომ შემდეგი შეხვედრა აზერბაიჯანში გაიმართება”.

სომხეთის რესპუბლიკის უშიშროების საბჭოს მდივანმა არმენ გრიგორიანმა და აზერბაიჯანის პრეზიდენტის თანაშემწემ ჰიქმეთ ჰაჯიევმა დილიჯანში სომხეთსა და აზერბაიჯანს შორის სამშვიდობო დღის წესრიგთან დაკავშირებული საკითხები განიხილეს.

უშიშროების საბჭოს მდივნის აპარატის ცნობით, აზერბაიჯანის პრეზიდენტის თანაშემწე ჰიქმეთ ჰაჯიევი და მისი თანმხლები დელეგაცია სომხეთში სახმელეთო საზღვრის დელიმიტირებული და დემარკირებული მონაკვეთით, ყველა შესაბამისი პროცედურის გავლით ჩავიდნენ.

2025 წლის 8 აგვისტოს ვაშინგტონში სომხეთის პრემიერ-მინისტრმა ნიკოლ ფაშინიანმა, აშშ-ის პრეზიდენტმა დონალდ ტრამპმა და აზერბაიჯანის პრეზიდენტმა ილჰამ ალიევმა ხელი მოაწერეს სამშვიდობო დეკლარაციას, რის შემდეგაც მხარეებმა რიგ მნიშვნელოვან სატრანსპორტო და სავაჭრო შეთანხმებებსაც მიაღწიეს.