სუს-ის თანამშრომელი ხაშურში „თავისივე ცეცხლსასროლი იარაღით“ მიყენებული ჭრილობით გარდაცვლილი იპოვეს

საქართველოს პროკურატურამ განაცხადა, რომ სახელმწიფო უსაფრთხოების სამსახურის ანტიკორუფციული სააგენტოს თანამშრომლის გარდაცვალების ფაქტზე გამოძიება სისხლის სამართლის კოდექსის 115-ე მუხლით (თვითმკვლელობამდე მიყვანა) დაიწყო.

ანტიკორუფციული სააგენტოს თანამშრომელი ხაშურში „საკუთარ ავტომანქანაში, თავისივე ცეცხლსასროლი იარაღით მიყენებული ჭრილობით“ გარდაცვლილი იპოვეს.

„მიმდინარეობს შესაბამისი გადაუდებელი საგამოძიებო მოქმედებები“, – განაცხადა პროკურატურამ 23 მაისს დაღუპულის იდენტიფიცირების გარეშე.

თავის მხრივ, სუს-მა „ღრმა მწუხარება“ გამოთქვა ანტიკორუფციული სააგენტოს „გამორჩეული, ღირსეული და პროფესიონალი თანამშრომლის“ გარდაცვალების გამო და დაღუპულის ოჯახსა და ახლობლებს მიუსამძიმრა.

This post is also available in: