radiotavisupleba ახალი ამბები 
აშშ-ის პრეზიდენტი დონალდ ტრამპი ისევ ცდილობს აშშ-ში დაბადებულთათვის მოქალაქეობის ავტომატურად მინიჭების აკრძალვას, ე.წ. სამშობიარო ტურიზმთან ერთად.
ტრამპმა 6 აგვისტოს ხელი მოაწერა ორ ახალ ბრძანებას. მის მორიგ მცდელობას წინ უძღოდა აშშ-ის უზენაესი სასამართლოს გადაწყვეტილება, რომ პრეზიდენტის წინა შემზღუდავი ბრძანება კონსტიტუციასთან შეუსაბამო იყო.
დონალდ ტრამპის ორი ახალი ღმასრულებელი ბრძანებიდან ერთი კრძალავს აშშ-ის მოქალაქეობის ავტომატურად მინიჭებას ქვეყანაში დაბადებული ბავშვებისთვის, რომელთა მშობლები თავად არ არიან აშშ-ის მოქალაქეები, ან თუ ერთი მათგანი მაინც ტერორისტული ორგანიზაციის წევრია, ან მოტყუების გზით ცდილობდა ამერიკის მოქალაქეობის მიღებას, ან აშშ-ში მისი სამუშაო დაკავშირებულია სხვა სახელმწიფოს წარმომადგენლობასთან.
მეორე ბრძანებით იკრძალება ე.წ. სამშობიარო ტურიზმი, ანუ პრაქტიკა, როცა ორსული უცხოელები აშშ-ში სპეციალურად ჩადიან იქ მშობიარობის მიზნით, რათა შვილი აშშ-ის მოქალაქე გახდეს.
მოსალოდნელია, რომ პრეზიდენტ ტრამპის ახალი ბრძანებებიც სასამართლი დავის საგნად იქცევა.
- აშშ-ის მოქალაქეობა ენიჭება ყველას, ვინც ამ ქვეყანაში დაიბადება.
- ეს უფლება განსაზღულია აშშ-ის კონსტიტუციის მე-14 შესწორებით და გამყარებულია უზენაესი სასამართლოს გადაწყვეტილებებით.
კონსტიტუციით გარანტირებული უფლების შეზღუდვა დონალდ ტრამპმა პირველად სცადა 2025 წლის იანვარში. მაშინდელი ბრძანებით, ამერიკულ უწყებებს არ უნდა ეღიარებინათ მოქალაქეობა აშშ-ში დაბადებული იმ ბავშვების, რომელთა თუნდაც ერთი მშობელი არ არის აშშ-ის მოქალაქე, ან არ აქვს ბინადრობის უფლება.
ტრამპის გადაწყვეტილების გამო დაწყებული სასამართლო დავა მივიდა აშშ-ის უზენაეს სასამართლომდე, რომელმაც 2026 წლის ივნისში დაადგინა, რომ ბრანება ეწინააღმდეგება კონსტიტუციის მე-14 შესწორებას.
6 აგვისტოს, ახალი ბრძანებების ხელმოწერისას დონალდ ტრამპმა განაცხადა, რომ უზენაესმა სასამართლომ ცუდი და უსამართლო გადაწყვეტილება მიიღო.
