ფელამუში მეგრულად – რეცეპტი

ანა გაგუა სოციალურ ქსელში შემოდგომის გამორჩეულ ტკბილეულის, ფელამუშის მომზადების რეცეპტს აზიარებს:

„ფელამუში მეგრულად –  2 ლ ყურძნის სუფთა ბადაგი (რქაწითელის წვენი), ორივე ხელით აღებული სიმინდის ფქვილი და პურის ფქვილი გავხსენი წვენში და მერე საწურში გავატარე, სუფთა რომ გამოსულიყო.

დავდგი დაბალ ცეცხლზე, ვურიე განუწყვეტლივ, სანამ კარგად არ შესქელდა. ვშუშე ნახევარი საათი. ბოლოს კი დავასხი თეფშზე. სასწაული გემრიელი გამოვიდა.

ასევე მოვამზადე ბადაგი ზამთრისთვის – 22 ლ ყურძნის წვენი შემოვდგი ცეცხლზე, მოვქაფე, სანამ წმინდა არ გახდა და ვადუღე 1 სთ. ჩავასხის სუფთა ქილებში“.