“ქართული ოცნების” თავდაცვის მინისტრი უკრაინის თავდაცვის საკონტაქტო ჯგუფის 25-ე შეხვედრას დაესწრო

შეხვედრაზე ოსტინმა განაცხადა, რომ შეერთებული შტატები უკრაინას 500 მილიონი აშშ დოლარის ღირებულების ახალ სამხედრო დახმარების პაკეტს გაუწევს. აღნიშნული დახმარება, რომელიც ოსტინის მიერ „პრეზიდენტის უფლებამოსილების პაკეტად“ იქნა მოხსენიებული, მოიცავს: „დამატებით რაკეტებს უკრაინის საჰაერო თავდაცვისთვის, მეტ საბრძოლო მასალას, მეტ ჰაერი-მიწა კლასის საბრძოლო მასალას და სხვა აღჭურვილობას უკრაინის F-16 ტიპის მოიერიშე თვითმფრინავების მხარდასაჭერად.”

უკრაინის თავდაცვის საკონტაქტო ჯგუფი აერთიანებს თავდაცვის უწყებების ხელმძღვანელებსა და მაღალჩინოსნებს უკრაინის მხარდამჭერი ქვეყნებს, მათ შორის ნატოსა და ევროკავშირის წევრი სახელმწიფოებიდან. ჯგუფი, რომელსაც ასევე “რამშტაინის ფორმატსაც” უწოდებენ, 2022 წლის აპრილში, ამერიკის შეერთებული შტატების ინიციატივით დაარსდა და აერთიანებს 50-ზე მეტ ქვეყანას, რომელიც მხარს უჭერს უკრაინას.