radiotavisupleba ახალი ამბები 
შინაგან საქმეთა სამინისტროს პრესსამსახურის ცნობით, პოლიციამ არასრულწლოვნების მიმართ ჯგუფურად განხორციელებული დამამცირებელი და არაადამიანური მოპყრობის ბრალდებით დააკავა „ნაცისტურ-ფაშისტური“ იდეოლოგიის მქონე დაჯგუფების ერთ-ერთი ლიდერი. გამოძიების ვერსიით, ის დანაშაულის ორ ეპიზოდში ფიგურირებს.
„აღნიშნულ დანაშაულებში მონაწილე პირთა ნაწილი სასჯელს უკვე იხდის პენიტენციურ დაწესებულებაში... არასრულწლოვნის მიმართ განხორციელებული ფიზიკური და ფსიქიკური იძულების, ასევე, ღირსების შემლახველი ქმედებების ამსახველი ვიდეო ბრალდებულის თანამოაზრეებმა მობილური ტელეფონითაც გადაიღეს ინტერნეტსივრცეში განთავსების მიზნით“, - აცხადებენ უწყებაში.
- პირველი საქმე: „2023 წელს მისი ნაცნობი მოტყუებით წაიყვანა თბილისში მდებარე ერთ-ერთ მიტოვებულ ტერიტორიაზე, სადაც სხვადასხვა ბლაგვი საგნის გამოყენებით ჯგუფურად ფიზიკურად იძალადეს, ასევე, არაადამიანური და დამამცირებელი მოპყრობა განახორციელეს არასრულწლოვნის მიმართ“;
- მეორე საქმე: „2025 წელს ბრალდებულმა ორგანიზება გაუწია კიდევ ერთი არასრულწლოვნის მიმართ ჯგუფურად განხორციელებულ ძალადობას, ასევე, დამამცირებელ და არაადამიანურ მოპყრობას“.
უწყების ცნობით, ბრალდებული, რომელიც პირობითი მსჯავრით იყო გათავისუფლებული, მოსამართლის განჩინების საფუძველზე დააკავეს.
მასალა განახლდება
