ჩაის სახლი აკადემიაში

ჩაის არომატით სავსე ოთახი, სასიამოვნო მუსიკა, გამორჩეული დიზაინი, მყუდრო ატმოსფერო…

ვინც ერთხელ მაინც ყოფილა ჩაის სახლის რომელიმე ფილიალში იცის, რომ ჩაის სახლში ვიზიტი არა მხოლოდ უგემრიელესი ჩაის დაგემოვნების შესაძლებლობაა, არამედ ყოველდღიური აურზაურისგან დასვენების შესანიშნავი საშუალებაც არის.

აქ შეგიძლია გაატარო დრო მეგობრებთან ერთად,  გამართო საინტერესო საუბრები,  დაგეგმო საქმიანი შეხვედრაც კი, რომელიც ამ გარემოს დამსახურებით სულ სხვა იერს იძენს, ან უბრალოდ ისიამოვნო მომენტით და დაისვენო.

ცოტა ხნის წინ Althaus-ის ქსელს კიდევ ერთი უნიკალური ადგილი შეემატა. ზემოთ ჩამოთვლილ სიამოვნებებს ამჯერად ისტორიულ შენობაში შეგიძლიათ ეზიაროთ.

ეს ისტორიული შენობა კი სამხატვრო აკადემია გახლავთ, ადგილი, სადაც ყველას შეუძლია იგრძნოს თავი ისტორიისა და კულტურის ნაწილად.

📍 თბილსის სამხატვრო აკადემია, ა. გრიბოედოვის 22, 599224429