ცნობილია - როდის დაუბრუნდა ხვიჩა კვარაცხელია მოედანს

ლიგა 1-ის მეორე ტურში „პარი სენ-ჟერმენმა“ სტუმრად „ანჟე“ 1:0 დაამარცხა. გამარჯვების ერთადერთი გოლი ფაბიან რუიზის ანგარიშზეა, რომელმაც პარიზელებს სამი ქულა მოუტანა.

აღნიშნულ შეხვედრაში ხვიჩა კვარაცხელიას მონაწილეობა არ მიუღია. ქართველ შემტევს მარჯვენა ფეხზე მსუბუქი კუნთოვანი დაზიანება აწუხებდა, რის გამოც მწვრთნელის გადაწყვეტილებით მატჩის განაცხადში არ მოხვდა. საბედნიეროდ, ტრავმა სერიოზული არ აღმოჩნდა და როგორც პროგნოზირებდნენ, ხვიჩამ მალევე შეძლო ვარჯიშის განახლება.

ორი დღის წინ კვარაცხელია სრულად ჩაერთო გუნდურ ვარჯიშებში და დიდი ალბათობით, მესამე ტურში მოედანზე ვიხილავთ.

ცნობისთვის, პარიზული გრანდი 30 აგვისტოს „ტულუზას“ დაუპირისპირდება და მორიგი გამარჯვების მოპოვებას შეეცდება. გულშემატკივრები კი განსაკუთრებულ ყურადღებას ქართველი ვარსკვლავის დაბრუნებას დაუთმობენ.