ჰოროსკოპი: კვირის ასტროლოგიური პროგნოზი ზოდიაქოს ნიშნებისთვის, 1 – 7 ივნისი

ზაფხულის დასაწყისი პოზიტიური და ახალი შესაძლებლობებით სავსე იქნება. ზოგიერთისთვის იღბალი სიყვარულში გამოვლინდება, ზოგისთვის – სამსახურში, ზოგისთვის კი უბრალოდ იმ განცდაში, რომ „ცხოვრება მშვენიერია“!

ასტროლოგების დაკვირვებით, განსაკუთრებით იღბლიანები იქნებიან ისინი, ვისაც შეუძლია სიმშვიდის შენარჩუნება, საჭირო დასკვნების გამოტანა და განვითარების შესაძლებლობების ამოცნობა.

ამ კვირაში ცაზე ორი მნიშვნელოვანი პლანეტარული ასპექტი ჩამოყალიბდება.

2 ივნისი, მზე-სატურნის სექსტილი – ეს ძალიან დისციპლინური ასპექტია იმ ადამიანებისთვის, რომლებზეც გავლენას ახდენს. ადამიანის საქმიანობა კონკრეტულ გეგმასა და შინაგან წესრიგს ექვემდებარება. წესრიგი, გარკვეული მეთოდი და დისციპლინა – ეს ყველაფერი გეგმების წარმატებით განხორციელების წინაპირობაა, როდესაც ადამიანის ნებისყოფა მკაფიოდ განსაზღვრული გზისკენაა მიმართული. ეს ჰარმონიული ასპექტია, რომლის გავლენითაც ადამიანებს სერიოზული განზრახვები უჩნდებათ.

ამ ასპექტის დროს დაწყებული პროექტები, როგორც წესი, წარმატებულია, მაგრამ ნელა და სტაბილურად მიმდინარეობს. ყველაფერი საფუძვლიანად და კარგად გააზრებულად არის გაკეთებული. ამ ასპექტს შეუძლია ურთიერთობების განმტკიცება და სტაბილიზაცია გრძელვადიან პერსპექტივაში. ეს ძალიან კარგი ასპექტია საკუთარი საქმიანობის ორგანიზებისთვის.

4 ივნისი, მერკურის კვადრატი ნეპტუნთან – შესაძლოა, ეს ასპექტი ინტელექტუალური აქტივობისთვის ყველაზე ცუდია. მოსალოდნელია, რომ მისი გავლენის ქვეშ მყოფი ადამიანის ინტელექტი სუბიექტურობით დაზარალდეს. ადამიანები მიდრეკილნი არიან ინფორმაციის შელამაზებისა და დამახინჯებისკენ. ისინი ობიექტურ ინფორმაციას საკუთარი სუბიექტური აღქმით აფერადებენ.

ეს ილუზიისა და მოტყუების ასპექტია. სივრცეში ნავიგაციის უნარი დაქვეითებულია, ადამიანები ადვილად იბნევიან და შესაძლოა მანიპულაციის მსხვერპლი გახდნენ.

♈ ვერძი

ამ კვირაში მოთმინება და თვითკონტროლი დაგჭირდებათ. წარმატების მისაღწევად საჭიროა საფუძვლიანი მომზადება და სათანადო ინფორმაციის გადამოწმება. ეცადეთ, გონივრულად მართოთ თქვენი ენერგია: ბევრი საზრუნავი გექნებათ როგორც სამსახურში, ისე სახლში. სასურველია, შეამციროთ ხარჯები და ნებისმიერ შემთხვევაში თავი აარიდოთ ფულის სესხებას. შესაძლებელია ახალი ნაცნობობა და საინტერესო იდეები.

შაბათ-კვირას აკონტროლეთ თქვენი ემოციები და მოერიდეთ მათ გადატანას საყვარელ ადამიანებზე.

სასიკეთო დღეები: 2, 7.

არასასიკეთო დღე: 5.

♉ კურო

ამ კვირის დასაწყისში დიდი შრომა მოგიწევთ სასურველი შედეგის მისაღწევად. კოლეგებთან ურთიერთობა გაგიჭირდებათ – ინტრიგები და ჭორები უარყოფითად იმოქმედებს სამუშაო გარემოზე, თუმცა კვირის მეორე ნახევარში კარიერული წინსვლის შესაძლებლობა გაჩნდება. მეგობრების იმედი გქონდეთ. ხანგრძლივ მოგზაურობას მოერიდეთ.

შაბათ-კვირას მოსალოდნელია ბავშვების განათლებასთან დაკავშირებული დიდი ხარჯები.

სასიკეთო დღეები: 3, 5.

არასასიკეთო დღე: 4.

♊ ტყუპი

ამ კვირაში შეძლებთ ყველა მნიშვნელოვანი საკითხის მოგვარებას და სასურველი შედეგების მიღწევას. სავარაუდოდ, დიდ თანხას, საჩუქრებს და სასიამოვნო სიურპრიზებს მიიღებთ. იყავით ყურადღებიანი ირგვლივ მყოფების მიმართ, რათა თავიდან აიცილოთ გაუგებრობები. პირად ცხოვრებაში სიყვარული და რომანტიკა გელოდებათ. თქვენი პარტნიორი მიხვდება, რამდენად ძვირფასი ხართ მისთვის. მოუსმინეთ თქვენს ინტუიციას, ეს დაგაახლოებთ თქვენი სანუკვარი სურვილის ასრულებასთან.

სასიკეთო დღეები: 2, 6.

არასასიკეთო დღე: 1.

♋ კირჩხიბი

ამ კვირაში ნუ ინერვიულებთ სამსახურში არსებულ უმნიშვნელო პრობლემებზე, ყველაფერს მალე და ადვილად მოაგვარებთ. სამშაბათს კონფლიქტი გარდაუვალია, მაგრამ ნებისმიერი სიტუაციიდან შეგიძლიათ ისარგებლოთ, მაგალითად, ცხოვრებაში დიდი ხნის ნანატრი ცვლილებების შეტანით. ინტიმურ სფეროში ჰაერივით გჭირდებათ საყვარელი ადამიანის სითბო, ალერსი და თანადგომა. მას მიიღებთ, თუ გონივრულად მოიქცევით. პარასკევს მოერიდეთ ნეგატიურ ემოციებს და ეცადეთ, თვითკონტროლი შეინარჩუნოთ.

შეეცადეთ, შაბათ-კვირა დასვენებისთვის გამოიყენოთ, სამუშაო ორშაბათამდე გადადეთ.

სასიკეთო დღეები: 4, 7.

არასასიკეთო დღე: 3.

♌ ლომი

ეს კვირა შეიძლება ძალიან რთული იყოს, მაგრამ წარმატების მრავალ შესაძლებლობას შემოგთავაზებთ. ორშაბათს სამსახურში საქმიანი შეხვედრები გექნებათ და საჭირო ინფორმაციას დროულად მიიღებთ. ასევე, სავარაუდოა თქვენს პირად ცხოვრებაში დადებითი ცვლილებები. უბრალოდ, მოერიდეთ აგრესიის უმცირეს გამოვლინებასაც კი. მხოლოდ კეთილგანწყობით მოაგვარებთ თქვენს პრობლემებს. ტელეფონით მიღებული ინფორმაცია სასიხარულო იქნება და შესაძლებელი გახდება მნიშვნელოვანი გადაწყვეტილების მიღება.

სასიკეთო დღეები: 1, 3.

არასასიკეთო დღე: 5.

♍ქალწული

ეს კვირა შინაგანი ბალანსის პოვნისა და წინსვლის პერიოდია. ნუ შეგრცხვებათ თქვენი მოთხოვნილებების, ნუ უგულებელყოფთ მათ და ნუ დაკარგავთ დროს იმ ადამიანებზე, რომლებთანაც თავს კომფორტულად არ გრძნობთ. თქვენი მიზნის მისაღწევად მაქსიმალური დიპლომატია და ტაქტი დაგჭირდებათ. ირგვლივ მყოფებთან ურთიერთობას გაართულებს თქვენი დამოუკიდებლობის უეცარი და მკვეთრი ზრდა. მოერიდეთ ფულის სესხებას და არასაჭირო ხარჯებს.

ერთ შაბათ-კვირას მარტომ დაისვენეთ, რათა ენერგიით აივსოთ.

სასიკეთო დღეები: 1, 7.

არასასიკეთო დღე: 4.

♎ სასწორი

ამ კვირაში შემოქმედებითი იდეებითა და გეგმებით იქნებით გადატვირთული. დაგჭირდებათ თანამოაზრე ადამიანები, რომლებიც მათ განხორციელებაში დაგეხმარებიან. ყოველთვის ნუ აიღებთ სხვის პრობლემებს საკუთარ თავზე: არაკეთილმოსურნეებმა შეიძლება თქვენი ალტრუიზმი ბოროტად გამოიყენონ. სავარაუდოდ, თითქმის ყველა კონფლიქტს მოაგვარებთ და დიდი ხნის ნანატრ შეთანხმებას მიაღწევთ. ეცადეთ, სხვები თქვენს საქმეებში არ ჩარიოთ და მხოლოდ თქვენს ინტუიციას მოუსმინოთ.

შაბათ-კვირას ეცადეთ, ობიექტურად შეაფასოთ თქვენი ძლიერი მხარეები და თავი აარიდოთ თქვენი შესაძლებლობების გადაჭარბებულ შეფასებას.

სასიკეთო დღეები: 3, 6.

არასასიკეთო დღე: 5.

♏ მორიელი

ამ კვირაში თავისუფლებისა და წარმატების განცდა გელით. ეს შესაძლოა თქვენს ცხოვრებაში გარდამტეხი მომენტი იყოს. გაგიჩნდებათ ახალი სურვილები, მათი რეალიზების ძალა და ახალი გეგმები. შესაძლოა, თქვენი ინდივიდუალიზმი გამოჩნდეს და ირგვლივ მყოფების აღფრთოვანება დაიმსახუროთ. მაგრამ ამაზე არ გაჩერდეთ – წინ ახალი და მიმზიდველი ჰორიზონტები გელით.

შაბათ-კვირა ხელსაყრელია რომანტიკული ურთიერთობის დასაწყებად.

სასიკეთო დღეები: 2, 5.

არასასიკეთო დღე: 1.

♐ მშვილდოსანი

თქვენი პროფესიული ინტერესები და პირადი ცხოვრება მჭიდროდაა გადაჯაჭვული და შესაძლოა, თქვენი მეგობრები ან ნათესავები ბიზნესპროექტებში იყვნენ ჩართულნი. ფრთხილად იყავით უცნობებთან ურთიერთობისას, სასურველია აკონტროლოთ არა მხოლოდ თქვენი ქმედებები და სიტყვები, არამედ თქვენი აზრებიც. ეცადეთ, თავი აარიდოთ ნეგატივს. ოთხშაბათს შესაძლოა ხელსაყრელი გარემოებები შეიქმნას, მაგრამ მათი გამოყენება რთული იქნება თქვენი პარტნიორების არასანდოობის გამო.

კვირის ბოლოს შეიძლება მნიშვნელოვანი პროექტის განხორციელებიდან სარგებელი მიიღოთ.

სასიკეთო დღეები: 3, 7.

არასასიკეთო დღე: 6.

♑ თხის რქა

ამ კვირაში მნიშვნელოვანი გადაწყვეტილებების მიღება და სერიოზული ვალდებულებების აღება მოგიწევთ. ეცადეთ, დაწყებული საქმე ბოლომდე მიიყვანოთ, თუნდაც ეს ძალიან რთული იყოს. თქვენი ფინანსური მდგომარეობა სტაბილურია და ხარჯები, ძირითადად, საყოფაცხოვრებოა, თუმცა შესაძლებელია ბავშვებთან დაკავშირებული ხარჯებიც. ხუთშაბათს მოსალოდნელია კონფლიქტი, რომელიც მისაღები საცხოვრებელი პირობების პერსპექტივასთან არსებულ განსხვავებულ შეხედულებებთან იქნება დაკავშირებული. მოგიწევთ შუალედური პოზიციის პოვნა და კომპრომისზე წასვლა.

ეცადეთ, მეტი დრო დაუთმოთ ინტენსიურ კომუნიკაციას.

სასიკეთო დღეები: 5, 6.

არასასიკეთო დღე: 4.

♒ მერწყული

ამ კვირაში სამსახურში მოსალოდნელია პრობლემები და პროფესიული ჩავარდნები, რაც გამოწვეულია თქვენი პასუხისმგებლობის სხვებზე გადატანის ტენდენციით. პირადი მდგომარეობა კი საკმაოდ ხელსაყრელია. თქვენი სიმშვიდე და თავდაჯერებულობა საყვარელ ადამიანებსაც გადაეცემა და მაშინაც კი, თუ თქვენს ურთიერთობებში დაძაბულობა წარმოიქმნება, ყველა შანსი გაქვთ, სიტუაცია გამოასწოროთ. კვირის მეორე ნახევარში შესაძლებელია ხანგრძლივი მოგზაურობა, რაც ცოტათი დაგღლით.

შაბათ-კვირას ცდუნებებს თავი აარიდეთ და უფრო მოკრძალებულები იყავით.

სასიკეთო დღეები: 1, 6.

არასასიკეთო დღე: 5.

♓ თევზები

ამ კვირაში ფრთხილად იყავით კოლეგებთან ერთობლივი პროექტების განხილვისას: თქვენი ერთ-ერთი ბოლოდროინდელი მოკავშირე შეეცდება თქვენი ბიზნესის განადგურებას. მნიშვნელოვანია მოთმინება, თქვენთვის საყურადღებო მთავარ საკითხებზე სხვადასხვა თვალსაზრისის მოსმენა და საკუთარ თავთან ჰარმონიაში ყოფნა – ასეთია კეთილდღეობის პირობები როგორც სამსახურში, ისე პირად ცხოვრებაში.

შაბათ-კვირა ხელსაყრელი დრო არ არის მნიშვნელოვანი გადაწყვეტილებების მისაღებად.

სასიკეთო დღეები: 3, 5.

არასასიკეთო დღე: 4.

თამთა გურული