#OK! ექიმობა ზრუნვაა! ზრუნვა ბედნიერებაა!!!

2 weeks ago 12

ექიმის ყველაზე დიდი გამოწვევა პაციენტისათვის სასურველ შედეგამდე მისასვლელი გზაა, რომელიც ცოდნისა და გამოცდილების გარდა ემპათიას, ანუ თანაგრძნობას უნდა ეფუძნებოდეს. კარგი ექიმი გულისხმობს იყო პროფესიონალი, გულისხმიერი და პაციენტისადმი კეთილგანწყობილი.

არსენ გვენეტაძე ზურაბ საბახტარაშვილის რეპროდუქციული კლინიკის ხელმძღვანელი. რეპროდუქტოლოგი. პროფესორი: მინდა ვისაუბრო ზრუნვასა და სიყვარულზე. ჩემი, არსენ გვენეტაძის, ადამიანის, ექიმის, ხელოვანის, ბედნიერების და მშვიდობის ელჩის დარჩენილი ცხოვრების მთავარი მიზანი, ანუ “იკიგაი” არის ზრუნვა იმაზე, რომ სამყარო უკეთესი გავხადო. უპირველესად ჩემთვის და შემდგომ ამისა ყველასათვის, როგორც ექიმმა ჩემი პროფესიით და როგორც ადამიანმა და მოაქალაქემ, ჩემი ყოველდღიური ყოფით თუ შემოქმედებით. ჩემი მთავარი მოტივაცია არის ზრუნვა. ზრუნვა სიყვარულია. ზრუნვა და სიყვარული კი, ბედნიერებაა. ეს ჩემი მოსაზრებაა, რომელიც ოთხიოდე წლის უკან ლოგიკურად “აღმოვაჩინე” და ვნერგავ მას ყოველდღიური ცხოვრების რეალობაში. ექიმის ზრუნვა საკუთარი პიროვნების მიმართ და ექიმის ზრუნვა პაციენტზე, ეს რეალური გამარჯვების ძალაა! მე ჩემი კლინიკის გუნდის წევრებს, ექიმებს მუდმივად ვუმეორებ: “თუ ჩვენ ვერ ვიქნებით ბედნიერები და პოზიტივით სავსე, ან ცოტათი მაინც წილნაყარნი პოზიტივთან, ჩვენ ვერ შევძლებთ გავცეთ სიკეთე ჩვენი პაციენტებისათვის”! შეიძლება ჩემი პროფესიული მოვალეობა ყოველდღიურად ჩვეულებრივად შევასრულო, მაგრამ თუ ეს ბედნიერს ვერ მხდის, ძალიან დამღლის, შემდეგ გადამლღლის და ერთ მშვენიერ დღეს, აღარ დადგება ის შედეგი, რისთვისაც ვშრომობ და რაც მთავარია, რასაც პაციენტი ელის ჩემგან! ღრმად ვარ დარწმუნებული, რომ ზრუნვა-სიყვარულია! ზრუნვა საკუთარ თავზე არის სიყვარულის ის ფორმა, რომელიც პროფესიულ სიყვარულს, პაციენტის სიყვარულს, ადამიანურ, თუ სამყაროს სიყვარულს მოიაზრებს. დღეს ჩემი ცხოვრების პრინციპი არის ასეთი : სამყარო ჩემთვის არის ის, რაც მე ჩემი ცოდნით, ჩემი ემოციებით, ჩემი პოზიტივით თუ ნეგატივით შემიძლია აღვიქვა. 61 წლის ასაკში, 14 წლის წინ კიბოზე გამარჯვებული ექიმი, ბედნიერების და მშვიდობის ელჩი, მე ვცხოვრობ დღეს “აქ და ახლა” და ზუსტად ვიცი, რომ ჩემთვის ნამდვილად არის ზრუნვა სიყვარული:

მანტრები ბედნიერების და მშვიდობის ელჩისაგან Dr. AG (Arsen Gvenetadze):

გახდი ის, ვინც ხარ! იცხოვრე შენი ცხოვრებით!

Dr. AG

გიყვარდეს! სიყვარული ზრუნვაა, ზრუნვა და სიყვარული კი ბედნიერებაა!

Dr. AG

სიყვარული ზრუნვის გარეშე ვერ იყვავილებს!

Dr. AG

სიყვარულის ემოციის გარეშე სიცოცხლე შინაგანი სიცარიელე და მარტოობაა!

Dr. AG

აჩვენე სიცოცხლეს, რომ გიყვარს და გაგიჟდება შენზე!

Dr. AG

გავბედე ვიყო ის, ვინც ვარ და ვარ ბედნიერი!

Dr. AG

დიადი ადამიანი მზესავითაა: თუ სულში ჩაახედებ, საზრისი გაგინათდება!

Dr. AG

ბედნიერება რომ მოგაკითხავს, ნუ ეტყვი, არ მცალიაო!

Dr. AG

თვითკმარ ადამიანს ქებაც და ძაგებაც მხოლოდ აძლიერებს!

Dr. AG

ვინც სხვას გულწრფელად აქებს, თვითონაც ბედნიერი ხდება.

Dr. AG

სხვაზე ზრუნვა საკუთარ თავზე ორმაგად ზრუნვაა!

Dr. AG

ზურაბ საბახტარაშვილის კლინიკა.

4 პროფესორი, 8 აკადემიური დოქტორი

არსენ გვენეტაძე

თსუ-ის ასოცირებული პროფესორი,

ექიმი გინეკოლოგი, რეპროდუქტოლოგი

კლინიკის ხელმძღვანელი, ბედნიერების და მშვიდობის ელჩი

თამარ საბახტარაშვილი – აკადემიური დოქტორი მედიცინაში, ექიმი რადიოლოგი, რადიოლოგიის მიმართულების ხელმძღვანელი

რუსუდან გვენეტაძე – თსუ-ის ასოცირებული პროფესორი, სარეზიდენტო პროგრამა: „ლაბორატორიული მედიცინის“ დირექტორი კლინიკის ლაბორატორიული მიმართულების ხელმძღვანელი

ლელა ირემაძე – აკადემიური დოქტორი მედიცინაში,ექიმი რეპროდუქტოლოგი, ინ ვიტრო განაყოფიერების მიმართულების ხელმძღვანელი, კლინიკური დირექტორი.

დიანა ჭანუყვაძე – აკადემიური დოქტორი მედიცინაში, ვალენსიის უნივერსიტეტის მაგისტრი, ექიმი მეან-გინეკოლოგი, რეპროდუქტოლოგი, ამბულატორიული მიმართულების ხელმძღვანელი

ქეთევან ტუხაშვილი – ასოცირებული პროფესორი – თბილისის საერთაშორისო უნივერსიტეტი IUT, აკადემიური დოქტორი მედიცინაში,

ექიმი გენეტიკოსი, კლინიკის მთავარი ემბრიოლოგი, ინ ვიტრო განაყოფიერების ლაბორატორიის ხელმძღვანელი

ანი გვენეტაძე – ექიმი რეპროდუქტოლოგი, მეან-გინეკოლოგი, ვალენსიის უნივერსიტეტის მაგისტრი, 2 და მეტი შეწყვეტილი ორსულობის კვლევისა და მკურნალობის მიმართულების ხელმძღვანელი

მაკა გეგეჭკორი – თსსუ-ს ასოცირებული პროფესორი, აკადემიური დოქტორი მედიცინაში, ექიმი რეპროდუქტოლოგი, კლინიკის სასწავლო-სამეცნიერო მიმართულების ხელმძღვანელი