#OK! მათემატიკისა და წიგნიერების აკადემია „ლოგიკმეტრი“ – თქვენი ბავშვის მომავლისთვის

ციფრული და ინფორმაციული ტექნოლოგიების ეპოქაში მნიშვნელოვანია, ადამიანი ჯერ კიდევ ბავშვობიდან გაეცნოს ამ ყველაფერს, რაც, თავის მხრივ, დაეხმარება საჭირო უნარების გამომუშავებაში. დღეს გიამბობთ კომპანია „ლოგიკმეტრის“, მათემატიკისა და წიგნიერების აკადემიის და ელექტრონული სასწავლო პლატფორმის, logicmeter.com-ის შესახებ, რომელიც 2015 წელს შეიქმნა. იმ დროს, როცა ქართველი მოსწავლეების შედეგი ძირითად კომპეტენციებში (მათემატიკაში/ლოგიკურ აზროვნებასა და წიგნიერებაში) საკმაოდ დაბალი იყო, საქართველო შედეგებით პოსტსაბჭოთა ქვეყნებსაც კი მნიშვნელოვნად ჩამოუვარდებოდა. სწორედ ამიტომ გაჩნდა მოთხოვნა და საჭიროება, შექმნილიყო წიგნიერებისა და მათემატიკის აკადემია. სივრცე, სადაც საერთაშორისო სტანდარტებითა და თანამედროვე მიდგომებით 5-დან 13 წლამდე ასაკის ბავშვებს შესაძლებლობა აქვთ, განივითარონ ტექნიკური და შემოქმედებითი უნარები მათემატიკის, წიგნიერებისა და რობოტექნიკის მიმართულებით.

თავდაპირველად შეიქმნა ფილოლოგებისა და მათემატიკოსების გუნდი, რომელიც ახალგაზრდა, ენთუზიაზმით სავსე წევრებისგან შედგებოდა და ჰყავდათ ხელმძღვანელები, რომლებსაც განათლების სფეროში მეტი გამოცდილება ჰქონდათ. საბოლოოდ დაკომპლექტდა გუნდი, რომელიც სამ სხვადასხვა თაობას აერთიანებდა და შედეგი ნამდვილად დიდი იყო. როგორც სასწავლო პროცესის ხელმძღვანელი, მარიკა გაბაძე ჩვენთან საუბარში აღნიშნავს, „ლოგიკმეტრის“ პროგრამა სინთეზია ძველი, კარგად დამკვიდრებული პრაქტიკებისა და ინოვაციური, თანამედროვე, განსხვავებული მიდგომების.

„აკადემიის გახსნასთან ერთად გუნდიც გაიზარდა. ძირითადი პრინციპებისთვის არ გადაგვიხვევია და პედაგოგებადაც ახალგაზრდა, ენთუზიაზმით სავსე ადამიანები დავასაქმეთ. სტრატეგიამ გაამართლა, ბავშვებს მათ მიმართ მეგობრული და დადებითი ემოციური კავშირი გაუჩნდათ. ეს მეგობრობა კი უკვე თითქმის 10 წელია უწყვეტ რეჟიმში გრძელდება როგორც „ონლაინ“, ასევე „ოფლაინ“ სივრცეებში.

სწავლა ხალისით, – ეს ერთ-ერთი ჩვენი დევიზია. ამგვარმა მიდგომამ მომხმარებელი დაარწმუნა, რომ მათემატიკის სწავლა შეიძლება მარტივი და საყვარელი საქმიანობაც კი გახდეს. ჩვენ ვცდილობთ თავი ავარიდოთ ფორმულებისა და წესების მექანიკურ დამახსოვრებას, სანაცვლოდ კი დავეხმაროთ მათემატიკის რეალურ სამყაროსთან დაკავშირებაში, გააზრებასა და დასაბუთების უნარების გამომუშავებაში“, – მარიკა გაბაძე.

„ლოგიკმეტრი“ არაფორმალური განათლების აკადემიაა, ის აერთიანებს როგორც ეროვნულს, ასევე საერთაშორისო, წამყვანი ქვეყნების მეთოდოლოგიებსაც. მოსწავლეები საშინაო დავალებების შესასრულებლად ელექტრონულ, უნიკალურ სასწავლო პორტალ Logicmeter.com-ს იყენებენ, რომელსაც ჩაშენებული აქვს „რეპორტინგის“ სისტემა, რაც განსაკუთრებით მოსახერხებელია მშობლებისთვის, რომელთაც გადატვირთული გრაფიკის გამო საშუალება არ აქვთ, დააკვირდნენ ბავშვის პროგრესს. გარდა ამისა, ცენტრი მუშაობს საერთაშორისო საოლიმპიადო ამოცანებზე, რის შედეგადაც მოსწავლეები კონკურენტუნარიანები და წარმატებულები არიან სხვადასხვა ქვეყნის სკოლებსა თუ გამოცდებში.

„ლოგიკმეტრის“ თითოეული რესურსი მოსწავლეებს ეხმარება: განივითარონ კრიტიკული, ანალიტიკური და ლოგიკური აზროვნება; გამოიმუშაონ წიგნისა და კითხვის სიყვარული; ფიზიკური და ციფრული ტექნოლოგიების გამოყენებით განივითარონ შემოქმედებითი აზროვნება; ლიდერული უნარები; შეძლონ წაკითხულის გააზრება და არგუმენტირებული მსჯელობა; რთული მოცემულობების გააზრება და მარტივად გადაჭრის მეთოდების დადგენა; დროის, რისკებისა და მიზეზშედეგობრივი კავშირების გათვლა (სრულად იხილეთ ვებგვერდზე).

სწორედ ამიტომ, ცენტრის მუშაობის პრინციპები მოზარდთა ნიჭის გამოვლენასა და განვითარებაზეა მორგებული. პატარები სამყაროს რეალურ და რაოდენობრივად შემეცნებას სწავლობენ, ხოლო ცენტრის მაღალკვალიფიციური მასწავლებლები თითოეულ ბავშვზე მორგებული სწავლების მეთოდებითა და მრავალფეროვანი სასწავლო რესურსით ცდილობენ ბავშვებს განუვითარონ ყველა ის უნარი, რაც სწავლის სწავლაში, სწორად ფიქრსა და აზროვნებაში დაეხმარებათ.

„ლოგიკმეტრში“ სწავლა მიმდინარეობს ყოველ შაბათს, მოსწავლეების მიღება ხდება რამდენიმე ნაკადად, შესაბამისად, გრაფიკი მოქნილი და მოსახერხებელია. „ლოგიკმეტრში“ მოსწავლეების მიღება მთელი წლის განმავლობაში მიმდინარეობს და ნებისმიერ დროს შეუძლია მსურველს, დარეგისტრირდეს და შეუერთდეს ამ დიდ, მეგობრულ ოჯახს.

საკონტაქტო ინფო:

ვებ: www.logicmeter.com

ტელ: 0322200229

მისამართი: კოსტავას ქუჩა 77ა ( UG სკოლის შენობა, შესასვლელი ტექნიკური უნივერსიტეტის მე-III-VIII კორპუსების ეზოდან).

ფოტო: პირადი არქივი