1 hour ago
1
მსახიობი კიანუ რივზი ალექსანდრა გრანტზე ფარულად დაქორწინდა, — ამის შესახებ RadarOnline იუწყება. მათივე ინფორმაციით, 61 წლის მსახიობმა და 52 წლის მხატვარმა თავიანთი ურთიერთობა 2025 წლის ზაფხულის დასაწყისში, ევროპის ტურის დროს დააკანონეს.
„ეს იყო ძალიან ინტიმური და მოკრძალებული ცერემონია. ისინი ამაზე წლების განმავლობაში საუბრობდნენ, თუმცა ბოლოს რაღაც ისეთი ისურვეს, რაც მხოლოდ მათ ორს შეეხებოდა. კიანუ და ალექსანდრა ძალიან აფასებენ პირად ცხოვრებას, ამიტომაც ამ მოვლენის საიდუმლოდ შენახვა იდეალური არჩევანია.“
გრანტი ნამდვილი ხსნა აღმოჩნდა მსახიობისთვის, რომელმაც რამდენიმე პირადი ტრაგედია გადაიტანა. 1999 წლის დეკემბერში კიანუსა და მის მეგობარ გოგონას, მსახიობ ჯენიფერ საიმს, მკვდრადშობილი ქალიშვილი შეეძინათ. მალე წყვილი დაშორდა, ხოლო საიმი 2001 წელს, 28 წლის ასაკში ავტოკატასტროფაში დაიღუპა.
„ალექსანდრა მისთვის უდიდესი მხარდაჭერის წყაროა. იმ ყველაფრის შემდეგ, რაც კიანუმ გადაიტანა, სწორედ ის აწყნარებს მას. ყველა მეგობარი ამჩნევს, რამდენად უფრო მშვიდი და მსუბუქი ჩანს ის ალექსანდრასთან ერთად — უფრო მეტს იცინის, უფრო მოდუნებულია. ალექსანდრა მისი ნამდვილი საყრდენია,“ — განაცხადა წყარომ.
რივზი და გრანტი ერთმანეთს 2009 წელს წვეულებაზე შეხვდნენ. მოგვიანებით მათ ერთად იმუშავეს მსახიობის წიგნზე „ოდა ბედნიერებას“, თუმცა, თავიანთი ურთიერთობის შესახებ წყვილმა საჯაროდ პირველად მხოლოდ 2019 წელს განაცხადა.
English (US) · 
Georgian (GE) ·