#OK! ადამიანური ხედვა ციფრულ სამყაროში

მაშინ, როცა ტექნოლოგიები უწყვეტად ვითარდება, მთავარი გამოწვევა ხშირად ადამიანურობის შენარჩუნებაა. ტექნოლოგიების ადამიანის სამსახურში ჩაყენების იდეის გარშემო გაერთიანდა სქაიჰაის გუნდი – კომპანია, რომელიც ყოველდღიურად ცდილობს ტექნოლოგიებსა და ადამიანებს შორის ბარიერების მოხსნას. ამ ხედვით გაძლიერდა ორგანიზაცია ახალი მიმართულებითაც – შეიქმნა სქაიჰაის პარტნიორობისა და ბიზნესის განვითარების დეპარტამენტი, რომლის ხელმძღვანელი ნინო მოსიძეა.  ის გვესაუბრა პარტნიორობებზე, ნდობასა და იმაზე, თუ როგორ იქმნება პროგრესი ადამიანური ურთიერთობებით

ნინოს პროფესიული გზა კერძო სექტორში დაიწყო, სადაც წლების განმავლობაში მუშაობდა პარტნიორობის განვითარებასა და ბიზნეს ურთიერთობების გაღრმავებაზე. სტრატეგიულმა ხედვამ, კომუნიკაციის კულტურამ და თანამშრომლობის გამოცდილებამ მას მისცა უნარი, ტექნოლოგიებზე საუბარი ადამიანურ ენაზე გადმოეცა – მიდგომა, რომელიც დღეს სქაიჰაის ფილოსოფიას სრულად ერწყმის.

როგორ დაიწყო თქვენი გზა სქაიჰაიში?

ნინო მოსიძე: SKYHI-სთან თანამშრომლობა ჩემთვის ბუნებრივი გაგრძელება იყო – არა უბრალოდ კარიერული ნაბიჯი, არამედ გარემოს პოვნა, სადაც ტექნოლოგია ნამდვილად ადამიანების სამსახურშია. აქ თითოეული ინიციატივა რეალური ცხოვრების გაუმჯობესებაზეა ორიენტირებული – იქნება ეს პროცესების გამარტივება, თანამშრომელთა განვითარება თუ ბიზნესის ოპტიმიზაცია.

რატომ გახდა საჭირო ახალი დეპარტამენტის შექმნა და რა არის მისი მთავარი მიზანი?

დეპარტამენტის შექმნა კომპანიის ზრდისა და სტრატეგიული განვითარების ლოგიკური გაგრძელება იყო. როცა ორგანიზაცია მუდმივად ვითარდება, ჩნდება საჭიროება, ეს განვითარება სწორად მიემართოს — სტრუქტურიზებული, ადამიანზე ორიენტირებული მიდგომით. ჩვენი მიზანია, პარტნიორობა გავხადოთ არა მხოლოდ ბიზნესინტერესების, არამედ საერთო ღირებულებების საფუძველზე აწყობილი თანამშრომლობა.

რა განასხვავებს სქაიჰაის მიდგომას პარტნიორებთან მუშაობაში?

სქაიჰაი ყოველთვის ცდილობს რთული საკითხების მარტივად გადმოცემას და ადამიანურ ენაზე საუბარს. ტექნოლოგიები მხოლოდ მაშინ მუშაობს სწორად, როცა ისინი მორგებულია ადამიანზე. ჩვენ სწორედ ამას ვაკეთებთ – ვცდილობთ დავანახოთ, რომ ტექნოლოგია შეიძლება იყოს მარტივი, გასაგები და რეალური პროგრესის წყარო.

დეპარტამენტის ერთ-ერთი მთავარი ამოცანაა პარტნიორებთან ურთიერთობების გაძლიერება, შიდა პროცესების ოპტიმიზაცია და ინოვაციური გადაწყვეტილებების შეთავაზება, რომელიც არა მხოლოდ ეფექტურობას, არამედ სიმშვიდესაც უზრუნველყოფს.

პროცესებთან დაკავშირებით სქაიჰაის  მიდგომა

სქაიჰაი პროცესების გამარტივებას მხოლოდ ტექნოლოგიური კუთხით არ უყურებს – ჩვენი ხედვა ეფუძნება ეკოსისტემურ მიდგომას, სადაც ცოდნა, გამოცდილება და ინოვაცია ერთ მთლიანობადაა წარმოდგენილი.ჩვენთვის მთავარი არის არა მხოლოდ შედეგი, არამედ გზა, რომლითაც ამ შედეგამდე მივდივართ – ეს გზა უნდა იყოს ადამიანური, გამჭვირვალე და თანაბრად სასარგებლო ყველა მხარისთვის. სწორედ ამიტომ ვქმნით გარემოს, სადაც თითოეულ პარტნიორს შეუძლია განვითარდეს ყველა მიმართულებით: ცოდნიდან ინოვაციამდე. როცა ყველაფერი ერთ მთლიანობაში მუშაობს, იქ შედეგი უკვე ბუნებრივად მოდის.

და ბოლოს, როგორ ხედავთ სქაიჰაის მომავალს?

სქაიჰაის მომავალი ჩემთვის ძალიან კონკრეტულად ჩანს, ჩვენი მიზანი არ არის მხოლოდ ახალი სერვისების განვითარება, არამედ ჩვენ გვინდა, რომ ტექნოლოგიები ადამიანების ყოველდღიურ ცხოვრებაში რეალური ცვლილებების წყაროდ იქცეს. როცა ჩვენი პარტნიორი გეუბნება, რომ დღეს მას საქმე უფრო მარტივად, მშვიდად და ეფექტურად გამოსდის, ეს არის ის შედეგი, რის გამოც ჩვენ ვმუშაობთ. სქაიჰაის მთავარი ამოცანა სწორედ ამ ბალანსის შენარჩუნებაა

პროფესიონალიზმსა და ადამიანურობას შორის, სადაც ტექნოლოგია ხდება არა მიზანი, არამედ გზა პროგრესისკენ.

ჩვენ განვაგრძობთ მუშაობას იმაზე, რომ ტექნოლოგია ყველასთვის გახდეს მარტივი, ხელმისაწვდომი და სასარგებლო. სქაიჰაი არ არის მხოლოდ IT კომპანია – ეს არის გუნდი, რომელიც ფიქრობს ადამიანებზე და ქმნის გადაწყვეტილებებს, რომლებიც მათ ცხოვრებას ამარტივებს.