#OK! ადელის კინოდებიუტი – მომღერალი ტომ ფორდის ფილმში ითამაშებს

2 weeks ago 17

ამერიკელი დიზაინერი ტომ ფორდი, რომლმაც 2022 წელს მოდის ინდუსტრიიდან წასვლის გადაწყვეტილება მიიღო, რეჟისურას უბრუნდება. Deadline-ის ინფორმაციით,  ფორდი ამჟამად ფილმზე Cry to Heaven-ზე მუშაობს, რომელშიც მომღერალი ადელი მიიღებს მონაწილეობას.

Адель дебютирует в кино — режиссером выступит Том Форд | MARIECLAIRE

ახალი პროექტი „ვამპირთან ინტერვიუს“ ავტორის, ენ რაისის რომანის ეკრანიზაცია იქნება. სიუჟეტი მე-18 საუკუნის იტალიაში ვითარდება და გლეხ გვიდო მაფეოსა და დიდგვაროვან ტონიო ტრესკას შესახებ მოგვითხრობს, რომლებიც მუსიკის სიყვარულმა და ბედისწერამ შეახვედრა.  ფილმის სცენარი ტომ ფორდმა დაწერა და პროდიუსერობასაც ფორდი, საკუთარი კომპანიის, Fade to Black-ის მეშვეობით განახორციელებს.

Cry to Heaven

ფილმში, სადაც  ადელის კინოდებიუტი შედგება, მსახიობთა შთამბეჭდავი გუნდი შეიკრიბა: ნიკოლას ჰოულტი, აარონ ტეილორ-ჯონსონი, კიარან ჰინდსი, კოლინ ფერტი, ჰანტერ შეფერი, ოუენ კუპერი და მრავალი სხვა.

Cry to Heaven-ის გადაღებები იანვრის შუა რიცხვებში დაიწყება. ფილმის პრემიერა 2026 წლის შემოდგომაზეა დაგეგმილი.

Deadline -ის ინფორმაციით, ფორდი პროექტს ერთი წლის განმავლობაში აკვირდებოდა – სურდა დარწმუნებულიყო, რომ შესაფერისი მსახიობების პოვნას შეძლებდა. გარდა ამისა, დიზაინერი რამდენიმე სტუდიასთან დაფინანსებაზე მოლაპარაკებას აწარმოებდა, თუმცა საბოლოოდ, მათთან თანამშრომლობაზე უარი თქვა. სხვისი კარნახის გარეშე, თავისუფლად რომ იმოქმედოს, ფორდი ფილმის გადაღებას საკუთარი სახსრებით გეგმავს.

Том Форд снова займет кресло режиссера и снимет два новых фильма | MARIECLAIRE.KZ

შეგახსენებთ, რომ ტომ ფორდის პირველი რეჟისორული ნამუშევარი „მარტოხელა კაცია“, რომელიც პირველად 2009 წლის ვენეციის კინოფესტივალზე აჩვენეს. პროექტი წარმატებული აღმოჩნდა, ოსკარის ნომინაცია და BAFTA-ზე გამარჯვება მოიპოვა.

ტომ ფორდის მეორე ფილმი, „ღამის ცხოველები“ ასევე ძალიან წარმატებული იყო. მას BAFTA-ს ცხრა, ოქროს გლობუსის სამი და  ოსკარის ერთი ნომინაცია ელოდა.

ასევე დაგაინტერესებთ

#OK! დღეს ადელი 35 წლის გახდა – გავიხსენოთ ვარსკვლავის სილამაზის ევოლუცია კარიერის დასაწყისიდან დღემდე

სრულად წაკითხვა