#OK! ემა სტოუნი მსოფლიოში ყველაზე ლამაზ მსახიობად აღიარეს

მეცნიერების აზრით, ემა სტოუნი ყველაზე ლამაზი მსახიობია – „ოქროს თანაფარდობის“ ხერხით ჩატარებული გამოთვლების მიხედვით, მან ყველაზე მაღალი ქულა მიიღო. Daily Mail-ის ცნობით, კვლევაში სტოუნმა ზენდაიას, ოლივია როდრიგოს, ჯენა ორტეგას და მარგო რობის გაუსწრო.

გამოცემის ინფორმაციით, ემა იდეალური სახის პროპორციებს 94.72 პროცენტით შეესაბამება. მან ტუჩებისა და წარბების ფორმის, ყბის ხაზის, თვალების განლაგებისა და შუბლის სიმაღლის მიხედვით უმაღლესი შეფასება მიიღო.

„როდესაც ფიზიკური სრულყოფილებისთვის სახის ყველა ნაწილი გაიზომა, ემა სტოუნი აშკარა გამარჯვებული გახდა“ – განმარტა ლონდონის სახის კოსმეტიკური და პლასტიკური ქირურგიის ცენტრის დირექტორმა, დოქტორმა ჯულიან დე სილვამ, რომელმაც კვლევა ჩაატარა.

სახის კომპიუტერული ანალიზის გამოყენებით, მან შეისწავლა, რომელი ქალები ითვლებიან  ლამაზებად წმინდა მათემატიკური თვალსაზრისით. ცნობისთვის, ოქროს თანაფარდობა მათემატიკური ფორმულაა, რომელიც თვალისთვის ესთეტიკურად სასიამოვნო პროპორციების დასადგენად გამოიყენება და იდეალურ პროპორციებზე მიუთითებს: რაც უფრო ახლოსაა სახის ნაწილის თანაფარდობა 1.618-თან, მით უფრო მიმზიდველია. ეს ტექნოლოგიები ასევე პლასტიკური ქირურგიის დაგეგმვისას გამოიყენება.

ყველაზე ლამაზი მსახიობების რეიტინგში მეორე ადგილზე „სრულყოფილების“ 94.37 პროცენტიანი შეფასებით ზენდაია გავიდა.

„ზენდაიამ თითქმის ყველა კატეგორიაში კარგი ქულები მიიღო: ტუჩები (99.5%), თვალები (97.3%) და შუბლი (98%)“, თუმცა, პირველობა ცხვირისა და წარბების ფორმამ დააკარგინა, სადაც ემა სტოუნზე გაცილებით დაბალი ქულები მიიღო – განმარტა დე სილვამ.

მესამე ადგილი ფრიდა პინტოს ერგო, რომელიც ცნობილია ფილმში „მილიონერი ღარიბთა უბნიდან“ შესრულებული როლით. ინდოელმა ლამაზმანმა სხვა კრიტერიუმებში მაღალი შეფასება მიიღო, მაგრამ შუბლის სილამაზეში მხოლოდ 89 პროცენტი დააგროვა და ზენდაიას  0.03 პროცენტით ჩამორჩა.

მეცნიერული თვალსაზრისით, ყველაზე მიმზიდველ ცნობილ ადამიანებში ასევე შედიოდნენ ვანესა კირბი, ჯენა ორტეგა, ოლივია როდრიგო, მარგო რობი, აიშვარია რაი, ტანგ ვეი და ბიონსე.

გასულ წელს ჯულიან დე სილვამ მსგავსი ექსპერიმენტი მამაკაცებზე ჩაატარა. კვლევის თანახმად, მამაკაცებში ყველაზე სიმპათიური მსახიობი აარონ ტაილორ-ჯონსონია.

მეორე ადგილზე ლუსიენ ლავისკანტი გავიდა, ხოლო მესამეზე – პოლ მესკალი. „მათემატიკური მიმზიდველობის“ სიაში ასევე მოხვდნენ რობერტ პატინსონი, ჯეკ ლაუდენი, ჯორჯ კლუნი, ნიკოლას ჰოულტი, ჩარლზ მელტონი, იდრის ელბა და შაჰ რუხ ხანი.

ასევე დაგაინტერესებთ

#OK! ემა სტოუნმა “ოსკარი” საუკეთესო ქალი მსახიობის კატეგორიაში ფილმ Poor Things-ისთვის მიიღო