#OK! მედია ჰოლივუდს ეიჯიზმში ადანაშაულებს – რატომ ვერ აიღო ოსკარი დემი მურმა?

1 month ago 7

სულ რამდენიმე საათის წინ ოსკარების 97-ე ცერემონია გაიმართა, სადასც სხვადასხვა ნომინაციაში გამარჯვებულები დასახელდნენ.

მნიშვნელოვანია, რომ 62 წლის ამერიკელი მსახიობი დემი მური ოსკარებზე პირველად იყო წარდგენილი.

საუკეთესო მსახიობი ქალის ნომინაციაში მაიკი მედისონთან, კლარა სოფია გასკონთან, სინტია ერივოსა და ფერნანდა ტორესთან ერთად დასახელებული იყო დემი მური ფილმისთვის „სუბსტანცია“. შეიძლება ითქვას, რომ ამ ფილმში შესრულოებული მთავარი როლი მსახიობისათვის ყველაზე წარმატებული აღმოჩდა, რადგან მას მიეცა შესაძლებლობა, პირველად გამხდარიყო ოსკარის გამარჯვებული. მიუხედავად ბევრი საინტერესო პროგნოზისა, რომლის მიხედვითაც დემი მური უნდა გამხდარიყო კინოაკადემიის უმაღლესი ჯილდოს მფლობელი, საუკეთესო ქალ მსახიობად მაიკი ედისონი დასახელდა.

დემი მური 90-იანი წლების ბოლოს ერთ-ერთ ყველაზე მაღალანაზღაურებად მსახიობად იქცა ჰოლივუდში. მას განსაკუთრებული პოპულარობა მოუტანა ისეთ ფილმებში მონაწილეობამ, როგორებიცაა: Ghost (1990), A Few Good Men (1992), Indecent Proposal (1993), და The Scarlet Letter (1995).

მნიშვნელოვანია, რომ თავდაპირველად, სამოდელო სფეროთი გატაცებული დემის სამსახიობო კარიერა 1882 წელს სატელევიზიო სერიალ „General Hospital“-ში მონაწილეობით დაიწყო.

მას არაერთი ჯილდო აქვს აღებული, მათ შორის, ორჯერ იყო ნომინირებული ოქროს გლობუსზე:

Ghost (1990) – საუკეთესო ქალთა მთავარი როლი
A Few Good Men (1992) – საუკეთესო ქალთა მეორეხარისხოვანი როლი

ასევე, სულ ცოტა ხნის წინ მსახიობს The Substance-ში მთავარი როლის შესრულებისათვის ოქროს გლობუსი გადაეცა.

არა მარტო საინტერესო როლები, არამედ მსახიობის პირადი ცხოვრებაც მუდამ განხილვისა და დავის საგანი იყო. დემი მური პირველად 18 წლის ასაკში გათხოვდა როკ-მუსიკოს ფრედი მურსზე, 1987 წელს ცოლად გაჰყვა ბრიუს უილისს. ვარსკვლავური წყვილის თანაცხოვრება 2000 წლამდე გაგრძელდა, მათ ქორწინებიდან 3 ქალიშვილი ჰყავთ. 2005 წელს კი დემი მური ცოლად გაჰყვა ეშტონ კატჩერის, წყვილის ურთიერთობა 2013 წელს განქორწინებით დასრულდა.