#OK! მუსიკის ისტორიაში ყველაზე გაყიდვადი მომღერალი ქალი გამოცხადდა

ტეილორ სვიფტმა მადონას გადაასწრო და ChartMasters-ის ვერსიით, ყველა დროის, ყველაზე გაყიდვადი ქალი შემსრულებლების სიაში პირველი ადგილი დაიკავა. განახლებულ რეიტინგში მომღერალი The Beatles-ის, მაიკლ ჯექსონის, ელვის პრესლის და Queen-ის შემდეგ, მეხუთე ადგილზეა. რეიტინგი Equivalent Album Sales (EAS)– ის  მონაცემებს ეფუძნება, რომელიც ალბომებს, სინგლებს და სტრიმინგს აერთიანებს.

ტეილორ სვიფტს 253.4 მილიონი EAS აქვს, რაც მადონას 253.3 მილიონზე ოდნავ მეტია. სხვაობა მცირეა, მაგრამ სიმბოლურია, რომ ესტაფეტა თაობიდან თაობას, ორ შემსრულებელს შორის გადაეცემა, რომელთაგან თითოეულმა თავის დროზე, წარმატების მექანიზმები განსაზღვრა.

ტეილორ სვიფტის ანგარიშზე 14 გრემის ჯილდო და „გრემის“ 52 ნომინაციაა. ის ისტორიაში პირველი და ერთადერთი ქალია, რომელმაც „წლის ალბომის“ ნომინაციაში ოთხჯერ გაიმარჯვა. აღსანიშნავია, რომ ბიონსეს, რომელსაც 32 ჯილდო აქვს მიღებული, ამ კატეგორიაში არასდროს გაუმარჯვია.

სვიფტმა აშშ-ის ჰიტ-პარადებშიც თავი გამოიჩინა. მისი თოთხმეტი ალბომი Billboard 200-ის პირველ ადგილზეა, 12 სინგლი Billboard Hot 100-ის სათავეშია, ხოლო 59 სიმღერა ათეულში მოხვდა.

2024 წელს სვიფტი 1.6 მილიარდი დოლარის წმინდა ქონებით მუსიკალურ ინდუსტრიაში ყველაზე მდიდარი ქალი გახდა. 2025 წლის ნოემბერში კი ალბომების გაყიდვებით მადონას გადაასწრო და მუსიკის ისტორიაში ყველაზე გაყიდვადი ქალი შემსრულებელი გახდა. მან 315 000-ით მეტი ალბომი გაყიდა, ვიდრე მადონამ. ათეულში უფრო მაღალ ადგილს მხოლოდ Queen და The Beatles, ასევე ელვის პრესლი და მაიკლ ჯექსონი იკავებენ.

პირადი ცხოვრება

წლების განმავლობაში მუსიკოსს მრავალ ცნობილ მამაკაცთან ჰქონდა ურთიერთობა. მათ შორის არიან მუსიკოსი და მსახიობი ჯო ჯონასი, მომღერალი ჯონ მაიერი, მსახიობი ჯეიკ ჯილენჰოლი, მომღერალი ჰარი სტაილსი, მსახიობი ტომ ჰიდლსტონი და სხვები. სვიფტს ყველაზე ხანგრძლივი ურთიერთობა მსახიობ ჯო ალვინთან ჰქონდა. წყვილი ექვსწლიანი ურთიერთობის შემდეგ, 2023 წლის დასაწყისში დაშორდა. People-ის ცნობით, დაშორების მთავარი მიზეზი „პიროვნული განსხვავებები“ იყო, რაც კორონავირუსის პანდემიით გამოწვეული ლოქდაუნის დროს აშკარა გახდა.

2023 წლის შუა თვეებში სვიფტი ახალ შეყვარებულთან, ამერიკელ ფეხბურთელ ტრევის კელსთან ერთად შენიშნეს. თავდაპირველად, წყვილი ურთიერთობის საიდუმლოდ შენარჩუნებას ცდილობდა, მაგრამ მალევე ღიად შეხვედრები დაიწყეს. 2024 წლის თებერვალში, სუპერბოულის ფინალში, სვიფტისა და კელსის კოცნა თამაშის ერთ-ერთ ყველაზე დასამახსოვრებელ ამბად იქცა. 2025 წლის აგვისტოში წყვილმა ნიშნობის შესახებ ოფიციალურად გამოაცხადა.

ასევე დაგაინტერესებთ

#OK! ტეილორ სვიფტი Forbes-ის მილიარდერების სიას შეუერთდა