#OK! „ნამაი“ – ევროპული ცხოვრების ხარისხი საქართველოში

„ნამაი“ ბალტიის საინვესტიციო ჯგუფის მიერ დაფუძნებული ლიეტუვური კაპიტალის დეველოპერული და სამშენებლო კომპანიაა. ის საზოგადოებას სთავაზობს ევროპული ხარისხის ცხოვრების სტილს. კომპანიის დასრულებული პროექტია „ნამაი ვაკე“, რომელიც გამორჩეულია მაღალი სამშენებლო სტანდარტებით, კონცეფციით და სკანდინავიური დიზაინით. აღსანიშნავია, რომ „ნამაი“ პირველი საცხოვრებელი კომპლექსია საქართველოში, რომელმაც GEFF-ის ენერგოეფექტურობის A კლასის ხარისხი მოიპოვა. კომპანიის უპირატესობებსა და სამომავლო გეგმებზე ჟურნალ OK!-ს „ნამაის“ აღმასრულებელი დირექტორი, ვიგანტას ზენკევიჩუსი და აღმასრულებელი დირექტორის მოადგილე, თეო ლეჟავა ესაუბრნენ.

როგორია კომპანიის შექმნის ისტორია?

ვიგანტას ზენკევიჩუსი: „ნამაის“ გამოჩენა ქართულ ბაზარზე, უპირველესად, ემოციებს ეფუძნება, როდესაც 2013 წელს კომპანიის დამფუძნებელი პირველად ესტუმრა საქართველოს. ძალიან შეუყვარდა საქართველო და ქართველები, შეგკვრიბა სხვადასხვა მიმართულებით გამოცდილი პროფესიონალები, ლიეტუველი და ქართველი მეგობრები და გადავწყვიტეთ ქართული ბაზრისთვის შეგვეთავაზებინა ის, რაც ყველაზე კარგად გამოგვდიოდა – ბიზნესი და ევროპული ხარისხის პროდუქტი.

კომპანიამ პირველი მშენებლობა, ბალტიის საინვესტიციო ჯგუფის ეგიდით, 2018 წელს დაიწყო. ეს იყო „ნამაი ვაკე“, რომელიც სულ 75 ბინისგან შედგებოდა. მაშინ ახალი კომპანიისთვის ეს დიდი გამოწვევა იყო, საჭირო იყო ნდობის მოპოვება ბაზარზე. სიამაყით მინდა აღვნიშნო, რომ ამ შედარებით მცირე მასშტაბის მშენებლობის მიუხედავად, დღეს ამ სფეროში გარკვეულმა ყველა ადამიანმა იცის ჩვენი კომპანიის, ხარისხისა და მიდგომების შესახებ. მიხარია, რომ ამას ბევრი აღნიშნავს.

რას სთავაზობთ საზოგადოებას?

ვიგანტას ზენკევიჩუსი: ჩვენი პირველი პროექტი „ნამაი ვაკე“ დასრულებულია, ყველა საცხოვრებელი ბინა გაყიდულია, რაც ძალიან გვახარებს – ძალიან საინტერესო და კარგი სამეზობლოთია დაკომპლექტებული: ცნობილი სპორტსმენები, საზოგადო მოღვაწეები, ბიზნესმენები, როგორც ქართველები, ისე უცხოელები.

ჩვენი სტანდარტი და მშენებლობისადმი მიდგომა სწორედ ამას უწყობს ხელს, ჩვენ გვინდა ქართველებს შევთავაზოთ ევროპული ცხოვრების სტილი, რასაც ისინი ნამდვილად იმსახურებენ.

ზაფხულში ვიწყებთ ახალ პროექტს და ახლა სამზადისი გვაქვს კომპანიაში. ჩვენი მიდგომა და სტანდარტი იგივე რჩება – ხარისხი, რაც უპირობოდ მნიშვნელოვანია როგორც თითოეული მასალის, ისე მშენებლობის გადაწყვეტები და ჩაბარების პირობები, ბუნებასთან სიახლოვე და მაქსიმალური ენერგოეფექტურობა.

რა გამოგარჩევთ ბაზარზე?

თეო ლეჟავა: ჩვენ გვაქვს განსხვავებული ჩაბარების პირობა – „ნამაი სტანდარტი“, რომელიც სრულად მორგებულია ჩვენს მაცხოვრებლებსა და მათი ცხოვრების ხარისხის გაუმჯობესებაზე.

გამორჩეულ ხარისხზე სულ ახლახან მიღებული შეფასებაც მოწმობს, „ნამაი“ პირველი საცხოვრებელი კომპლექსია საქართველოში, რომელმაც GEFF-ის ენერგოეფექტურობის A კლასის ხარისხი მოიპოვა მშენებლობის ხარისხითა და გამოყენებული ტექნოლოგიების წყალობით.

„ნამაი“ გამორჩეულია:

• მაღალი ენერგოეფექტურობით;
• ინოვაციური საპროექტო გადაწყვეტებით;
• მასალებისა და შესრულებული სამუშაოს ხარისხით;
• ცენტრალური გაგრილებისა და იატაკქვეშა გათბობის სისტემებით;
• ენერგოეფექტური ალუმინის კარ-ფანჯრით;
• კედლებისა და სახურავის თანამედროვე თბოსაიზოლაციო მასალებით შეფუთვით;
• მზის ელექტროსადგურითა და წვიმის შემგროვებელი ავზით;
• ყველა ბინაზე გათვლილი ავტოსადგომითა და სასაწყობე ფართით;
• ყველა ოთახში დამონტაჟებული ჰაერის რეკუპერატორით.

ბინა „ნამაი სტანდარტით“ იმ დონემდეა მიყვანილი, რომ მასში შესულ მაცხოვრებელს მხოლოდ საკუთარი დიზაინით რემონტის დასრულება რჩება გასაკეთებელი.

კომპლექსის შენების დროს სრულად გათვალისწინებულია ევროპული სტანდარტები. განსხვავებული არქიტექტურა კომპლექსს ყველასთვის მიმზიდველს და საინტერესოს ხდის: დიდი ტერასები, დაბალსართულიანი განაშენიანება, კეთილმოწყობილი შიდა ეზო, ფუნქციური ვარჯიშების სპორტდარბაზი, მაცხოვრებლების საჭიროებებზე მორგებული კონსიერჟზონა;

როგორც აღვნიშნეთ, A, C და D კორპუსის სახურავებზე დამონტაჟებულია მზის ელექტროსადგური, რომელიც უზრუნველყოფს საერთო ტერიტორიების ელექტრომოთხოვნილების უმეტეს ნაწილს. მაგალითად, 2023 წელს ივნისიდან სექტემბრის ჩათვლით, “ნამაი ვაკეს” საერთო სივრცეების ელექტროენერგიის გადასახადი შეადგენდა 0 ლარს. ასევე, გვაქვს წვიმის შემგროვებელი ავზი ტექნიკური, ხანძარსაწინააღმდეგო და სარწყავი მარაგისთვის.

სხვადასხვა ინოვაციური გადაწყვეტილებების დახმარებით, „ნამაი ვაკეს“ შენობა წელიწადში დაახლოებით 300 ტონამდე CO2-ის არგამოყოფას უწყობს ხელს, რაც ამ დროისთვის, გარემოს დაცვის მხრივ, საქართველოში საუკეთესო მაჩვენებელია.

სამომავლო გეგმები

ჩვენი გეზი უცვლელია – გვინდა ქართველმა ხალხმა იცხოვროს ისე, რომ მაღალი სტანდარტები, ხარისხი და პასუხისმგებლიანი დამოკიდებულება ჩვეულებრივი გარემოება იყოს.

როგორც უკვე აღვნიშნეთ, EBRD-ის ენერგოეფექტური ინვესტიციების ხელშემწყობი პროგრამის – GEFF-ის შეფასებით, „ნამაი ვაკე“ ერთადერთი საცხოვრებელი კომპლექსია ენერგოეფექტურობის A კლასის ხარისხით, სწორედ ამ შეფასების საფუძველზე ახალი პროექტის ფარგლებში უკვე საერთაშორისო აღიარების EDGE სერტიფიკატის მოპოვებას ვგეგმავთ.

ახალ მშენებლობას ზაფხულში ვიწყებთ, ობიექტი ძალიან საინტერესო მდებარეობითა და რელიეფით გამოირჩევა, რაც ასეთივე საინტერესო პროექტის შექმნის საშუალებას გვაძლევს.

დეტალებს ჯერ საიდუმლოდ დავტოვებთ, თუმცა რაც შემიძლია გაგიზიაროთ არის ის, რომ – საქართველოში ერთ-ერთი საუკეთესო არქიტექტორი – გიორგი ხმალაძე მუშაობს პროექტზე და ჩვენი ერთობლივი ღირებულებებით ისეთი პროდუქტის შექმნას ვგეგმავთ, რომელიც გრძელვადიანი ხარისხის მაჩვენებელი იქნება ჩვენი ქვეყნისთვის.