#OK! რთველისი – გამორჩეული არომატი და უნიკალური ქართული ხასიათი

კომპანია „რთველისი“ ქართულ ღვინის ბაზარზე უკვე რამდენიმე წელია წარმატებით ოპერირებს. მისი მთავარი მიმართულებაა მაღალი ხარისხის ღვინის წარმოება, რომელიც ქართული მეღვინეობის ტრადიციებსა და ინოვაციურ მიდგომებს აერთიანებს. კომპანია მუდმივად ცდილობს, მომხმარებელს შესთავაზოს მრავალფეროვანი და განსაკუთრებული ღვინოები, რომლებიც ქართული მევენახეობა-მეღვინეობის კულტურას მსოფლიო ასპარეზზე წარმოაჩენს. ჟურნალი OK! გთავაზობთ ინტერვიუს „რთველისის“ გენერალურ დირექტორსა და თანადამფუძნებელთან, თორნიკე ჭიკაძესთან, რომელიც უფრო ვრცლად და დეტალურად გვიამბობს კომპანიის შექმნის ისტორიას, წარმოდგენილი ღვინის ასორტიმენტისა და სხვა საინტერესო საკითხების შესახებ.

როგორია „რთველისის“ შექმნის ისტორია?

„რთველისი“ მრავალწლიანი ტრადიციების მქონე ბრენდია, რომელიც 1920 წლიდან იღებს სათავეს. მიუხედავად იმისა, რომ კომპანიის ისტორია შორეულ წარსულში იწყება, მისი განახლების იდეა 2015 წელს გაჩნდა, იდეის რეალიზაციის პროცესი კი 2018 წლიდან დაიწყო.

დასაწყისიდანვე ჩვენი მთავარი პრინციპი იყო ხარისხი, რომელიც დღესაც კომპანიის უმთავრეს ღირებულებად რჩება. „რთველისის“ გუნდი ორიენტირებულია უმაღლესი სტანდარტების მქონე ღვინის შექმნაზე, რომელიც, პირველ რიგში, ადგილობრივი მომხმარებლის გემოვნებას მოერგება და შემდგომ მსოფლიო ასპარეზზე ღირსეულ ადგილს დაიმკვიდრებს.

სწორედ ამიტომ ვცდილობთ, ტრადიციული მეთოდებისა და ინოვაციების შერწყმით შევქმნათ ღვინო, რომელიც ქართული მეღვინეობის კულტურას მსოფლიოს გააცნობს და საერთაშორისო ბაზარზე წარმატებას მიაღწევს.

გვესაუბრეთ თქვენთან წარმოდგენილი ღვინის ასორტიმენტზე.

კომპანია „რთველისი“ როგორც ადგილობრივ ბაზარზე, ასევე ექსპორტზე წარმოდგენილია ღვინისა და მაღალალკოჰოლური სასმელების მრავალფეროვანი ასორტიმენტით, რომელიც მოიცავს: კლასიკურ ღვინოებს (ადგილწარმოშობის დასახელების ღვინოებს, პრემიუმ ღვინოებს, სუფრის ღვინოებს), ქვევრის ღვინოებს, ცქრიალა ღვინოებს, ბრენდს და ჭაჭებს.

„რთველისი“ განსაკუთრებულ ყურადღებას აქცევს როგორც ტრადიციების დაცვას, ასევე თანამედროვე მიდგომებს, რათა მომხმარებლებს შევთავაზოთ ავთენტური და მაღალხარისხოვანი პროდუქტები, რომლებიც საქართველოს ღვინის კულტურას უკეთ წარმოაჩენს.

სად მდებარეობს „რთველისის“ მარანი და ვენახები?

კომპანია „რთველისის“ მარანი განთავსებულია საქართველოს ერთ-ერთ უძველეს და უმნიშვნელოვანეს მეღვინეობის რეგიონში – კახეთში, კერძოდ, თელავის მუნიციპალიტეტის სოფელ შალაურში. სწორედ აქ, ტრადიციულ მეთოდებზე დაყრდნობით, იწარმოება ჩვენი პრემიუმ ხარისხის ღვინოები, რაც ქართული მეღვინეობის ავთენტურობასა და განსაკუთრებულობას უსვამს ხაზს.

რაც შეეხება ვენახებს, „რთველისის“ ვენახები საქართველოს სხვადასხვა რეგიონშია გაშენებული, რაც კომპანიას საშუალებას აძლევს, შექმნას მრავალფეროვანი ასორტიმენტი. ვაზის ჯიშები იზრდება კახეთის, ქართლისა და იმერეთის ღვინის რეგიონებში, თითოეულ მათგანში არსებული უნიკალური კლიმატური და ნიადაგური პირობების გათვალისწინებით. ეს გეოგრაფიული მრავალფეროვნება კომპანიას საშუალებას აძლევს, აწარმოოს როგორც კლასიკური, ასევე უნიკალური ტერუარის ღვინოები, რომლებიც საუკეთესო ხარისხითა და ნიშანდობლივი ხასიათით გამოირჩევა.

„რთველისი“ განსაკუთრებულ ყურადღებას უთმობს ვენახის მოვლას, რაც ღვინის ხარისხის საფუძველს წარმოადგენს. თითოეული რეგიონიდან მიღებული მოსავალი სპეციფიკური თვისებებით გამოირჩევა, რაც საბოლოო პროდუქტში გამოკვეთილად აისახება და ქართულ ღვინოს კიდევ უფრო განსაკუთრებულსა და დასამახსოვრებელს ხდის.

რომელ ჯიშებს იყენებთ ღვინის დასამზადებლად?

„რთველისი“ ღვინოს ქართული ვაზის უნიკალური ჯიშებისგან ამზადებს, რაც თითოეულ ბოთლს განსაკუთრებულ ხასიათსა და ავთენტურობას ანიჭებს. განსაკუთრებული ყურადღება ექცევა ადგილობრივ, ტრადიციულ ჯიშებს, რომლებიც საქართველოს სხვადასხვა რეგიონში ხარობს და თითოეულ ღვინოს თავის განსაკუთრებულ თვისებებს ანიჭებს.

კომპანიის ასორტიმენტში შედის როგორც თეთრი, ასევე წითელი ყურძნის ჯიშებისგან დაყენებული ღვინოები. მათ შორისაა: „საფერავი“, „მწვანე“, „ხიხვი“, „ქისი“, „ალექსანდროული“, „ოჯალეში“, „ცოლიკოური“ და სხვა. თითოეული მათგანი გამოირჩევა საკუთარი არომატული პროფილითა და სტრუქტურით, რაც „რთველისის“ ღვინოებს განსაკუთრებულ დახვეწილობას და უნიკალურ ქართულ ხასიათს სძენს.

სად შეგვიძლია „რთველისის“ ღვინის დაგემოვნება?

„რთველისის“ ღვინო წარმატებით არის წარმოდგენილი როგორც საქართველოში, ისე საერთაშორისო ბაზარზე. კომპანიის მიზანია, რომ ქართული ღვინის უნიკალური ხასიათი და ტრადიცია მაქსიმალურად ფართო აუდიტორიას გააცნოს, ამიტომ აქტიურად თანამშრომლობს როგორც ადგილობრივ, ისე საერთაშორისო პარტნიორებთან.

ჩვენი პროდუქცია ხელმისაწვდომია ღვინის სპეციალიზებულ მაღაზიებში, სუპერმარკეტებში, ღვინის ბარებსა და რესტორნებში, არა მხოლოდ თბილისში, არამედ საქართველოს სხვადასხვა რეგიონშიც.

სამომავლო გეგმები გაგვიზიარეთ.

კომპანია „რთველისი“ მიზნად ისახავს ადგილობრივ და საერთაშორისო ბაზარზე პოზიციების კიდევ უფრო განმტკიცებას. ჩვენი განვითარების სტრატეგია მრავალმხრივია და მოიცავს როგორც პროდუქციის ასორტიმენტის გამრავალფეროვნებას, ისე ბრენდის ცნობადობის გაზრდას გლობალურ მასშტაბზე.

ერთ-ერთი მთავარი პრიორიტეტი შიდა ბაზრის კიდევ უფრო გაფართოებაა – ვგეგმავთ დისტრიბუციის ქსელის გაძლიერებას და პარტნიორული ურთიერთობების გაღრმავებას, რათა მომხმარებლებმა კიდევ უფრო მარტივად შეძლონ ჩვენი ღვინოების შეძენა.

საერთაშორისო მიმართულებით ჩვენი მიზანია ახალი საექსპორტო ბაზრების ათვისება და უკვე არსებულ ქვეყნებში წარმომადგენლობის გაძლიერება. ამისთვის ვმონაწილეობთ პრესტიჟულ ღვინის გამოფენებსა და დეგუსტაციებზე, სადაც „რთველისი“ ქართველ მეღვინეობას ღირსეულად წარადგენს.

გრძელვადიანი მისია კი საქართველოს, როგორც პრემიუმ კლასის ღვინის მწარმოებელი ქვეყნის, პოპულარიზაციაა. „რთველისი“ მიზნად ისახავს, გახდეს ქართული ღვინის ხარისხისა და ავთენტურობის მთავარი ასოციაცია მსოფლიოში, რაც ქართული მეღვინეობის მრავალსაუკუნოვანი ტრადიციის ღირსეულად გაგრძელებასა და განვითარებას ნიშნავს.

ტექსტი: ციაკო ღამბაშიძე

ფოტო: პირადი არქივი