1 week ago
16
ფრანგი მსახიობი, ულამაზესი სოფი მარსო 59 წლის გახდა. ის ძალიან ქალური და დახვეწილია, თუმცა შარვლების და მამაკაცური პერანგების მორგება ძალიან უყვარს.
თეთრი პერანგები და კრემისფერი შარვლები სოფი მარსოს საყვარელი ყოველდღიური სამოსია. მსახიობს მოსწონს კარგად გაუთავებული საყელოები, კლასიკური შარვლები და ჟაკეტები. მოდის ტენდენციების მიუხედავად, სოფი მარსო შარვალთან და პერანგებთან ერთად სპორტულ ფეხსაცმელებს არასოდეს იცვამს.
სოფი მარსოს მოხდენილი ფიგურა და დახვეწილი ნაკვთები აქვს, ამიტომ უპირატესობას დიდ აქსესუარებს: ჩანთებს, საყურეებსა და ყელსაბამებს ანიჭებს, რაც მის ქალურობას ხაზს უსვამს. დიდი საყურეები მსახიობის სავიზიტო ბარათად იქცა და წითელ ხალიჩაზე ხშირად უკეთია.
ზამთრის მუქ სამოსში მოსაწყენად რომ არ ჩანდეს, მსახიობი თავის იმიჯს ფართო, ნაქსოვი შარფებით ხაზს უსვამს. მკვეთრი ფერის, დიდი აქსესუარები მას საინტერესო და დასამახსოვრებელი სახის შექმნაში ეხმარება. სოფის არ ეშინია, რომ ქუჩაში იცნობენ და აბეზარ ჟურნალისტებს არ ემალება. პირიქით, თითქოს თავისი დიდი ზომის ჩანთებით განგებ იპყრობს ყურადღებას.
სოფი მარსოს თეთრი ფერი უყვარს და საჯარო ადგილებში ყველაზე ხშირად ამ ფერის სამოსით ჩნდება. ერთხელ კანის კინოფესტივალზე ქათქათა თეთრი საღამოს კაბით გამოჩნდა, რომელიც მის სტილს იდეალურად ასახავდა!
თეთრი ფერის ტანსაცმელი წელიწადის ნებისმიერ დროს ტრენდულია და მისი შეხამება ნებისმიერ სხვა ფერთან შეიძლება. შესაძლოა, სოფიმ ის სწორედ უნივერსალურობის გამო შეიყვარა?
მსახიობმა იცის, რომ ფაიფურის თოჯინის ეფექტის შესაქმნელად, გრძელი საღამოს კაბა უნდა ჩაიცვას. ის ძირითადად თეთრ, შავ და წითელ კაბებს ირჩევს და კიდევ, მსახიობი ბიუსტჰალტერს არ იცვამს, რაც ასევე მისი ხელწერა გახდა.
English (US) · 
Georgian (GE) ·