#OK! ქეით მიდლტონი საშობაო მსახურებას ოფიციალურად უბრუნდება

სამეფო ოჯახის გულშემატკივრები წლევანდელ შობას განსაკუთრებული მღელვარებით ელიან, რადგან ქეით მიდლტონი სადღესასწაულო მსახურებას უბრუნდება. უელსის პრინცესა 5 დეკემბერს ისევ მიიღებს სტუმრებს უესტმინსტერის სააბატოში და მეხუთედ გამართავს საქველმოქმედო კონცერტს – „ერთად შობისთვის “.

ბოლო ცნობების თანახმად, ქეით მიდლტონს სამეფო ოჯახის განრიგით საკმაოდ დატვირთულ კვირა ჰქონდა. დღესასწაულის წინ, ჩარლზ III გერმანიის პრეზიდენტს, ფრანკ-ვალტერ შტაინმაიერს მიიღებს. ეს შთამბეჭდავი მოვლენა იქნება, რადგან უინძორების ქალბატონები ვახშამზე ტრადიციულად, მდიდრულ კაბებსა და გვირგვინებს მოირგებენ.

რაც შეეხება საშობაო ღონისძიებებს, წელს მათი თემა ადამიანების სიყვარულისთვის გაერთიანება იქნება – ოჯახურის, მეგობრულის, საზოგადოებრივის და იმ სიყვარულის, რომელიც შემთხვევით, მაგრამ ადამიანისთვის მნიშვნელოვან წუთებში ჩნდება.

„სიყვარული გვაერთიანებს ყველას – თაობებს, თემებს, კულტურებსა და რელიგიებს. შობის წინ ჩვენ ერთიანობის ძალას ვიხსენებთ. ეს საღამო შეგვახსენებს, როგორ გვეცვლის ერთმანეთის მხარდაჭერა, ყურადღება და სიხარული“, — ნათქვამია კენსინგტონის სასახლის განცხადებაში.

ღონისძიებას 1600 ადამიანი დაესწრება. მათ შორის სამეფო ოჯახის წევრები და ცნობილი ადამიანები იქნებიან. მათ საინტერესო და  დატვირთული პროგრამა ელით უესტმინსტერის სააბატოს ცნობილ გუნდთან ერთად, რომელიც ბრიტანელების საყვარელ საშობაო საგალობლებს შეასრულებს. ასევე იქნება მუსიკალური ნომრები და მოწვეული არტისტების გამოსვლები. მათ შორის იქნებიან მსახიობი და მომღერალი ჰანა უედინგჰემი, ჯგუფ Bastille-ის ფრონტმენი დენ სმიტი, „ოსკარის“ მფლობელი ქეით უინსლეტი და მსახიობი ჩივეტელ ეჯიოფორი.

გარდა ამისა, ეკლესიაში შესვლამდე სტუმრებს Future Talent-ის ფონდის  ახალგაზრდა შემსრულებლები შეეგებებიან, რომელიც გარდაცვლილმა კენტის ჰერცოგინიამ მუსიკალურად ნიჭიერი, მაგრამ დაბალი შემოსავლის მქონე ოჯახების ბავშვების მხარდასაჭერად შექმნა.

ქეითმა მსგავსი დღესასწაული გასულ წელსაც ჩაატარა. მას ესწრებოდნენ: უილიამი შვილებთან – შარლოტასთან, ჯორჯთან და ლუისთან ერთად, ქეითის მშობლები – კეროლ და მაიკლ მიდლტონები, ასევე პრინცესები ბეატრისი და ევგენია. სხვადასხვა წლებში კონცერტს „ერთად შობისთვის“ ზარა ტინდალი და პიტერ ფილიპსი, პიპა და ჯეიმს მიდლტონები შეუერთდნენ.

იმ საღამოს ერთ-ერთი ყველაზე დასამახსოვრებელი ეპიზოდი იყო „სიკეთის ხე“ – ლამაზი ნაძვი, რომელზეც მოწვეულ სტუმრებს შეეძლოთ დაეკიდათ ალმები იმ ადამიანებისადმი მადლიერების ნიშნად, რომლებმაც მათზე სხვადასხვა დროს იზრუნეს. სამეფო ოჯახის გულშემატკივრები განსაკუთრებით პატარა პრინც ლუის ბარათმა მოხიბლა, სადაც მან ოჯახის საყვარელ წევრებს სიყვარულით სავსე შეტყობინება დაუწერა.

ასევე დაგაინტერესებთ

#OK! სახლები, რომლებშიც ქეით მიდლტონი პრინცესობამდე ცხოვრობდა