ალეკო ელისაშვილს 13-წლიანი პატიმრობა მიუსაჯეს

განაჩენის გამოცხადებამას ალეკო ელისაშვილი არ ესწრებოდა, რადგან მოსამართლემ ის გააძევა „ქართული ოცნების“ ხელისუფლების პრემიერ-მინისტრის, ირაკლი კობახიძისა და მინისტრ მამკა მდინარაძის გინების გამო.

მის ამ სიტყვებს დარბაზში შეძახილები მოჰყვა - „ბრავო“.

მანამდე, ადვოკატებმა დასკვნითი სიტყვა წარმოთქვეს. დაცვის მხარეს მიაჩნია, რომ ბრალდებამ ვერ დაამტკიცა მთავარი - ტერორისტული მიზანი. ისინი წარდგენილი მუხლის გადაკვალიფიცირებას ითხოვდნენ.

ელისაშვილის წინააღმდეგ თავდაპირველად, საქმე სხვისი ნივთის დაზიანების მუხლით აღიძრა. ორი დღის შემდეგ კი პროკურატურამ კვალიფიკაცია შეცვალა და პოლიტიკოსს უკვე ტერორისტული აქტის მცდელობაში დასდო ბრალი. სწორედ აქ ხედავენ ალეკო ელისაშვილის ადვოკატები საქმის პოლიტიკურ კონტექსტს.

კვალიფიკაციის შეცვლას წინ უსწრებდა პარლამენტის თავმჯდომარის შალვა პაპუაშვილის საჯარო განცხდება, რომ ალეკო ელისაშვილმა „ტერორისტული აქტის განხორციელება სცადა“.

„სამართლებრივი კვალიფიკაცია პოლიტიკურ განცხადებებს დაემორჩილა“, - ამბობს გიორგი რეხვიაშვილი, ელისაშვილის ადვოკატი.

პროკურატურა ამტკიცებს, რომ მუხლი გამოძიების პროცესში მოპოვებული მტკიცებულებების საფუძველზე შეიცვალა.

რა თქვა ალეკო ელისაშვილმა?

გაძევებამდე ოპოზიციონერმა პოლიტიკოსმა პოლიციელების მხრიდან მასზე და დემონსტრანტებზე ძალადბის შემთხვევები გაიხსენა:

„ქვეყანაში რა ხდება, რატომ მომივიდა ეს აზრი… ამ შენობაში ქალებს ძირს ათრევდნენ, შეურაცხყოფას აყენებენ… მერე გამოდიოდნენ და ამბობდნენ ქალი არ არისი.

პროტესტი იყო, შეფურთხება მინდოდა ამ ხელისუფლებისთვის, რომ ვერ დაგვჩაგრავენ. ის, რაც ხდება ამ შენობაში, თაგვის სპილოდ გადაქცევა რომ უნდათ… ახალი ბრალიც მომაწებეს, ერთი წელი თაროზე შემოდებული საქმე…“

ამის შემდეგ მან მიმართა იმ ოპოზიციონერებს, რომლებმაც ის გააკრიტიკეს:

რას ამბობს ელისაშვილის ადვოკატი ბრალზე

ალეკო ელისაშვილი განაჩენის გამოცხადების დღეს მოსამართლემ სხდომაზე დააბრუნა, წინა პროცესების დროს ის სხდომათა დარბაზიცან იყო გაძევებენული.

იქამდე, სანამ ალეკო ელისაშვილს სხდომებზე დასწრების შესაძლებლობა ჰქონდა, არასოდეს უარყვია, რომ სათვალთვალო კამერებში მოხვედრილი ნიღბიანი თავად არ იყო.

პირველივე სხდომაზე მან თქვა:

„რაც გავაკეთე, იმაზე მე ვარ პასუხისმგებელი. გინდ ტერორისტი მეძახეთ და რაც გინდათ ის მეძახეთ.“

• აღკვეთის ღონისძიების შეფარდების პირველ სხდომაზე, ელისაშვილმა ვრცლად ისაუბრა, რამ მიიყვანა ამ გადაწყვეტილებამდე.
• ის იხსენებდა 2024 წლის საპროტესტო აქციების დროს პოლიციის ძალადობას, სამართალდამცავების დაუსჯელობას და მოსამართლეს უხსნიდა, რომ უსამართლობამ უბიძგა უკიდურესი პროტესტისკენ.
• პოლიტიკოსის ადვოკატები ამბობენ, რომ პასუხისმგებლობის აღება ტერორისტული მიზნის აღიარებას არ ნიშნავს.

საქმის არსებითი განხილვის დროს პროკურატურამ სასამართლოს რამდენიმე ტიპის მტკიცებულება წარუდგინა. მათ შორის იყო სათვალთვალო კამერების ჩანაწერები, შემთხვევის ადგილიდან ამოღებული ნივთები, მანდატურებისა და გამომძიებლების ჩვენებები, ექსპერტიზის დასკვნები და დაზარალებულად ცნობილი სასამართლოს წარმომადგენლის პოზიცია.

პროკურატურის შეფასებით, ამ მტკიცებულებების ერთობლიობა აჩვენებს, რომ ალეკო ელისაშვილის მოქმედება დაგეგმილი იყო და მისი მიზანი სასამართლოსთვის ცეცხლის წაკიდება და სასამართლო ხელისუფლების საქმიანობისთვის ხელის შეშლა იყო.