"ამიტომ გადავწყვიტეთ ბუდუს დამატება" - ჰაიდენჰაიმის დირექტორი

ჰაიდენჰაიმის დირექტორმა ჰოლგერ სანვალდმა ბუდუ ზივზივაძის ტრანსფერზე პირველი კომენტარი უკვე გააკეთა.

"ბუდუს კარლსრუეში განვითარებას დიდი ხანია ვაკვირდებით - გასულ სეზონში გამორჩეული ფორვარდი იყო და მიმდინარე სეზონის პირველ ნახევარში კიდევ უფრო გააუმჯობესა თამაში.

ქართველმა უკვე აჩვენა, რომ განსაკუთრებული გოლის ალღო აქვს, ამიტომ დარწმუნებულები ვართ, რომ ჩვენს დახმარებასაც შეძლებს და ბუნდესლიგაში ადგილის შენარჩუნებაში დაგვეხმარება. მოხარულები ვართ, რომ არჩევანი ჩვენს სასარგებლოდ გააკეთა

ცნობისთვის, ბუდუმ მიმდინარე სეზონში ჩატარებულ 20 მატჩში თავი 14 გოლითა და 5 საგოლე გადაცემით გამოიჩინა.