აშშ-ის სასამართლომ მასკის უწყებას კონფიდენციალურ მონაცემებზე წვდომა შეუჩერა

აშშ-ში - ბალტიმორის მოსამართლემ მილიარდერ ილონ მასკს და ხარჯების შემცირებისთვის შექმნილ მის ეფექტიანობის უწყებას DOGE-ს, დროებით შეუწყვიტა წვდომა სოციალური დაზღვევის სამსახურის კონფიდენციალურ მონაცემებზე.
მოსამართლემ გაამართლა თავისი გადაწყვეტილება იმით, რომ DOGE-მ მოიპოვა შეუზღუდავი წვდომა მილიონობით ამერიკელის ინფორმაციაზე სუსტი არგუმენტით.

საქმე ეხება სოციალური დაცვის ნომრებს, სამედიცინო ჩანაწერებს, მართვის მოწმობის მონაცემებს, საბანკო და საკრედიტო ბარათების ინფორმაციას და საგადასახადო დოკუმენტებს. DOGE-ს ხელში არსებული მასალები უნდა წაიშალოს. სასამართლომ მსგავსი გადაწყვეტილება უკვე მიიღო სხვა საქმეებზეც. თუმცა, ჯერ არ არსებობს იურიდიულად სავალდებულო გადაწყვეტილება.

აშშ-ის პრეზიდენტი, დონალდ ტრამპი და მილიარდერი ბიზნესმენი ილონ მასკი, რომელიც ტრამპის გადაწყვეტილებით მართავს მთავრობის
ეფექტიანობის დეპარტამენტს, თვლიან, რომ სახელმწიფო უფრო ეფექტიანი უნდა გახდეს.

მასკის ხელმძღვანელობით აშშ-ში დაიწყო ფედერალური უწყებების თანამშრომლების შემცირება და ზოგიერთის საერთოდ დახურვა. ამ ნაბიჯების მიმართ კრიტიკულად განწყობილები თვლიან, რომ ეს გეგმები გადაჭარბებულია და ბიუჯეტის შემცირების პირობებში გაუქმდება ასევე დემოკრატიული სტრუქტურები.