„ეგ ჩემი ოჯახის რძალი არ ყოფილა“ – ლაურა ღაჭავამ ალექსანდრა პაიჭაძეს უპასუხა

ფოტო მოდელმა ალექსანდრა პაიჭაძემ „ინსტაგრამ“ გამომწერებს ჰკითხა, ამ წამს რა სურდათ. შებრუნებულ კითხვაზე კი დაწერა, რომ დავით კოდუასთან დაშორების შემდეგ ბინის გარეშე დარჩა.

„ჩემი სახლი, სადაც ორივე ბავშვით ვიცხოვრებ. ქალს სტაბილურ გარემოზე მეტად არაფერი სჭირდება და ამშვიდებს. სამწუხაროდ, დათოს დედამ გამოგვყარა, თუ დაშორდი ჩემს შვილს, წადიო. წამოვედით უპასუხოდ და ბედნიერად,“ – დაწერა პაიჭაძემ.

დავით კოდუას დედა, ბიზნესმენი ლაურა ღაჭავა უარყოფს, რომ ალექსანდრა სახლიდან გააგდო. ის „პრაიმტაიმთან“ ამბობს:

„ტყუილია, მე ბინიდან არავინ გამიგდია. ეგ ჩემი ოჯახის რძალი არ ყოფილა… ალბათ დათოს მიყვანილი ჰყავდა. ის ბინა ჩემია და თურმე მე მაბრალებს…“.