აშშ-მა დაასანქცირა ბიძინა ივანიშვილი, ევროპამ უნდა მიბაძოს მათ - რასა იუკნევიჩიენე

"როგორც იქნა, აშშ-მა დაასანქცირა ბიძინა ივანიშვილი. ევროპამ უნდა მიბაძოს მათ. წევრი სახელმწიფოების ძვირფასო ლიდერებო, ძირფასო კაია კალას, მარტა კოს, დროა ლიდერობა აჩვენოთ და თბილისში ჩახვიდეთ. საქართველოს მომავალი უმნიშვნელოვანესია ევროპული უსაფრთხოებისთვის", - წერს იგი პლატფორმა X-ზე.

2024 წლის 27 დეკემბერს შეერთებული შტატების სახაზინო დეპარტამენტმა სანქციები დაუწესა მილიარდერ ექსპრემიერ ბიძინა ივანიშვილს, - „ქართული ოცნების“ დამფუძნებელსა და საპატიო თავმჯდომარეს. სანქციები ეხება Credit Suisse-თან მის დავასაც.

გადაწყვეტილება აშშ-ის სახაზინო დეპარტამენტის უცხოური აქტივების კონტროლის ოფისმა (OFAC-მა) გამოაქვეყნა თბილისის დროით 20:00 საათზე.

„ივანიშვილისა და „ქართული ოცნების“ ქმედებებმა ძირი გამოუთხარეს დემოკრატიული ინსტიტუტებს, ხელი შეუწყვეს ადამიანის უფლებათა დარღვევას, და საქართველოში ფუნდამენტური თავისუფლებების დაცვას ხელი შეუშალეს“, - აცხადებს სახელმწიფო მდივანი ენტონი ბლინკენი.