ბიჭებს ვაფასებთ როგორც ფეხბურთელებს, თუ როგორც მოქალაქეებს? თუ როგორც ფეხბურთელებს, რანაირად მოახერხეთ ბუდუს უფრო გაღმერთება ვიდრე კვარაცხელიასი… თუ როგორც მოქალაქეებს, კაშიას როგორ დაუვიწყეთ სამკლავურის გამო, ძალიან ღირსეული პოზიცია…“ – ნანუკა ჟორჟო

გუშინ გავრცელდა საქართველოს ეროვნული საფეხბურთო ნაკრების გუნდის კაპიტნის, გურამ კაშიას განცხადება, სადაც იგი მადლობას უხდის „ქართული ოცნების“ საპატიო თავმჯდომარეს, ბიძინა ივანიშვილსა და ფონდ „ქართუს“ ფეხბურთის მხარდაჭერისთვის.
ევროპის ჩემპიონატის ჯგუფურ ეტაპზე წარმატებით ასპარეზობისა და მერვედფინალში გასვლის აღსანიშნად, ბიძინა ივანიშვილისა და ფონდ „ქართუსგან“, ჯილდოს სახით, ნაკრებისთვის 30 მილიონი ლარი გამოიყო, რაც მათივე თქმით, ნაკრების წევრებმა პრემიის სახით, უკვე მიიღეს. ჯგუფიდან გასვლის სანაცვლოდ გუნდისთვის მიცემული პრემიაზე ფეხბურთელთა გამოხმაურებები მთავარი პოლემიკისა და არაერთგვაროვანი შეფასების საგანი გახდა სოციალურ ქსელში, ტელეწამყვანი ნანუკა ჟორჟოლიანი ეხმაურება:

„რა ცუდად გამოიყურება ჩემი ნიუს ფიდი. ტოქსიკურია სიყვარული, როცა პარტნიორს ეუბნები, თუ ისეთი არ იქნები როგორიც მე მინდა, არ მიყვარხარ. უპირობო სიყვარულია ყველაზე მნიშვნელოვანი და ძვირფასი. 

ახლა უფრო კონკრეტულად:) ბიჭებს ვაფასებთ როგორც ფეხბურთელებს, თუ როგორც მოქალაქეებს? თუ როგორც ფეხბურთელებს, რანაირად მოახერხეთ ბუდუს უფრო გაღმერთება ვიდრე კვარაცხელიასი, ან კვირკველიას რატომ ვერ დაუნახეთ თავგანწირვა მაინც რომ ითამაშა:) 

თუ როგორც მოქალაქეებს, რატომ დაუვიწყეთ ლობჟანიძეს განცხადება „არა რუსულ კანონს” და მაინც ათრიეთ ერთი შეცდომის გამო, ან ქვილითაიას რატომ დაუვიწყეთ იგივე და 5 წუთით თამაშის შანსი რომ მიეცა „რა ქვილითაიაო რატომ წერდით.” 

კაშიას როგორ დაუვიწყეთ სამკლავურის გამო, ძალიან ღირსეული პოზიცია, როცა სრულ ზიზღში უწევდა პრინციპები გამო ცხოვრება. არ დანებდა, არ დათმო. ან ბუდუს რას ვერჩით, დიმა ობოლაძე რომ ტყუილად გადაკიდეთ. ამ დროს რა ქნა ფედერაციამ? 

ყველა გამოიძახა, ყველა…. განცხადებების მიუხედავად და ეს იყო განაცხადი , „ჩვენ თქვენი მეგობრები ვართ ყველაფრის მიუხედავად” ანუ, მარტო ფულით არ გვჯობიან:) ჩვენ კიდევ ტოქსიკური შეყვარებულები ვართ და ტოქსიკური სიყვარულისგან, ბოლოს მაინც ყველა გარბის.“ – წერს ნანუკა ჟორჟოლიანი.