ბრალდებულმა სრულიად უმოტივოდ ჰკრა ხელი მისთვის უცნობ პირს – პროკურატურა

პროკურატურის განცხადებით, 10 დეკემბერს, თბილისში, მეტროსადგურ „სახელმწიფო უნივერსიტეტის“ ბაქანზე მდგარ პირს მისთვის უცნობ პირმა სრულიად უმოტივოდ, ყოველგვარი საბაბის გარეშე, ხელი ჰკრა და ლიანდაგებში ჩააგდო.

პირი მიღებული დაზიანებების შედეგად შემთხვევის ადგილზე დაიღუპა.

ბრალდებული იმავე დღეს დააკავეს. მას ბრალდება საქართველოს სისხლის სამართლის კოდექსის 109-ე მუხლის „ვ“ და „მ“ ქვეპუნქტებით (განზრახ მკვლელობა, ჩადენილი ხულიგნური ქვენაგრძნობით და განსაკუთრებული სისასტიკით) წარედგინა, რაც სასჯელის სახედ და ზომად 16-დან 20 წლამდე ან უვადო თავისუფლების აღკვეთას ითვალისწინებს.

პროკურატურა ბრალდებულისთვის აღკვეთის ღონისძიების სახით პატიმრობის გამოყენების შუამდგომლობით სასამართლოს კანონით დადგენილ ვადაში მიმართავს.

ბრალდებულმა სრულიად უმოტივოდ, ყოველგვარი საბაბის გარეშე ჰკრა ხელი მისთვის უცნობ პირს – პროკურატურა