გადადგა შვედეთის პრემიერი

არჩევნებში ოპოზიციურმა სოციალ-დემოკრატიულმა პარტიამ გაიმარჯვა. ახალი პრემიერმინისტრი პარტიის ხელმძღვანელი მაგდალენა ანდერსონი გახდება.

კრისტერსონი ზომიერი კოალიციური პარტიის თავმჯდომარეა, რომელიც ქრისტიან-დემოკრატებსა და ლიბერალურ პარტიასთან ერთად - შვედეთის პარლამენტში -მმართველ კონსერვატიულ
ბლოკს შეადგენდა.

სოციალ-დემოკრატები მემარცხენეებთან, მწვანეებსა და ცენტრისტულ პარტიასთან ერთად ოპოზიციურ „მემარცხენე ბლოკს“ ქმნიდნენ, რომელიც, სავარაუდოდ, ახალ რიქსდაგში მმართველ კოალიციას ჩამოაყალიბებს. ახალი მოწვევის პარლამენტის პირველი სხდომა 28 სექტემბერს არის დანიშნული; 29 სექტემბერს დეპუტატები ოფიციალურად განსაზღვრავენ ახალი პრემიერ-მინისტრის კანდიდატურას.

2022 წლის თებერვალში უკრაინაში რუსეთის სრულმასშტაბიანი შეჭრის შემდეგ, როგორც ოფიციალურმა შვედეთმა, ისე პრაქტიკულად ყველა მისმა პოლიტიკოსმა, პარტიული კუთვნილების მიუხედავად, მკვეთრად დაგმო რუსეთის ქმედებები. მაშინდელი მთავრობის პირობებში შვედეთი ნატოს წევრი გახდა და განაცხადა, რომ რუსეთს უშუალო საფრთხედ მიიჩნევს როგორც საკუთარი ქვეყნის, ისე მთლიანად ევროპის უსაფრთხოებისთვის.

ომის დასაწყისიდანვე შვედეთი უკრაინას ჰუმანიტარულ და სამხედრო მხარდაჭერას უწევს და მხარს უჭერს ევროკავშირის სანქციებს რუსეთის წინააღმდეგ. შვედეთის მიერ უკრაინისთვის გაწეული დახმარების მოცულობამ 2026 წლის 12 აგვისტოს მონაცემებით 156 მილიარდი კრონა (დაახლოებით 15.9 მილიარდი დოლარი) შეადგინა.

მაგდალენა ანდერსონი, რომელსაც პრემიერ-მინისტრის პოსტი უკვე ეჭირა 2021 წლის ნოემბრიდან 2022 წლის ოქტომბრამდე, სრულმასშტაბიანი შეჭრის დაწყებამდეც აცხადებდა, რომ შვედეთი არ ცნობს რუსეთის მიერ ყირიმის ანექსიას, ხოლო მოგვიანებით გააფართოვა უკრაინის მხარდაჭერა და ინიციირება გაუკეთა ნატოში შვედეთის გაწევრიანებას. თავისი საარჩევნო კამპანიის მსვლელობისას, 2026 წლის 3 სექტემბერს, მან კიდევ ერთხელ გაიმეორა, რომ რუსეთს შვედეთის მთავარ საფრთხედ მიიჩნევს.