გრიგოლ ლილუაშვილს 13-წლიანი პატიმრობა მიესაჯა

სუს-ის ყოფილ უფროს გრიგოლ ლილუაშვილს -წლიანი პატიმრობა მიესაჯა.

გადაწყვეტილება მოსამართლე ნინო თარაშვილმა გამოაცხადა.

გრიგოლ ლილუაშვილი 2025 წლის 23 დეკემბერს დააკავეს. მას ბრალად ედება ქრთამის აღება რამდენიმე სისხლის სამართლის საქმეში. მათგან ორში რომეო მიქაუტაძეც ფიგურირებს, რომელმაც ჩვენება მისცა და თქვა, რომ ქრთამად აღებულ ფულს თავად აძლევდა ლილუაშვილს.

კერძოდ, ბრალდების მიხედვით:

• პირველი ეპიზოდი: 2022 წლის ოქტომბრის თვეში გრიგოლ ლილუაშვილმა თურქი ინვესტორის ჩაღათაი ულქერისგან, ეკონომიკისა და მდგრადი განვითარების მინისტრის იმჟამინდელი პირველი მოადგილის, რომეო მიქაუტაძის მეშვეობით, ქრთამის სახით აიღო 1 მილიონი აშშ დოლარი, რათა მას ლობირება გაეწია ქარის ელექტროსადგურების მშენებლობასთან დაკავშირებულ ურთიერთთანამშრომლობის მემორანდუმის გაფორმებისათვის.
• მეორე ეპიზოდი: 2022 წლის თებერვლის თვეში, ამ შემთხვევაშიც რომეო მიქაუტაძის მეშვეობით, კომპანია ,,ექსპრესსერვისი 2008-ის“ დამფუძნებელ გიორგი ხაჟალიას გაზიფიკაციის ტენდერებში დახმარების სანაცვლოდ მოსთხოვა და გამოართვა მილიონ ხუთასი ათასი ლარი.
• მესამე ეპიზოდი შეეხება 2021-2023 წლებს და ქოლ-ცენტრებს – პროკურატურის თანახმად, აღნიშნული ქოლ-ცენტრებიდან დიდი უმრავლესობა ეკუთვნოდა პირთა ჯგუფს, რომლებიც მიღებული შემოსავლებიდან სხვადასხვა ოპოზიციურ მედიასაშუალებას აფინანსებდნენ, ხოლო ქოლ-ცენტრების შედარებით მცირე ნაწილის ძირითადი მფარველი იყო გრიგოლ ლილუაშვილი, რომელიც ამ საქმიანობას მისი ნათესავის, სანდრო ლილუაშვილის მეშვეობით ახორციელებდა. აღნიშნული დანაშაულებრივი საქმიანობის შედეგად გრიგოლ ლილუაშვილმა ქრთამის სახით, სანდრო ლილუაშვილის შუამავლობით, დაახლოებით 1 365 000 აშშ დოლარი მიიღო.