დაკავებულია ჩვენი ჟურნალისტი, საბა სორდია - "ინდიგო"

გამოცემა ინდიგო ავრცელებს ინფორმაციას მათი ჟურნალისტის, საბა სორდიას დაკავების შესახებ. გამოცემისთვის არსებული ინფორმაციით, ის 6 აპრილს, დღის საათებში, მარჯანიშვილის მეტროსთან დააკავეს და ამ დროისთვის დიღმის წინასწარი დაკავების იზოლატორშია გადაყვანილი. ჟურნალისტი სავარაუდოდ ადმინისტრაციული წესით, პოლიციელისადმი დამოუმორჩილებლობის გამოა დაკავებული. მისმა მეგობრებმა და კოლეგებმა მისი ძებნა მას შემდეგ დაიწყეს, რაც მეგობრებთან დაგეგმილ შეხვედრაზე არ მივიდა და იმ ადგილის სიახლოვეს, სადაც უნდა შეხვედროდნენ, მისი კუთვნილი სკუტერი იპოვეს დაგდებული.

რადიო თავისუფლება ცდილობს შსს-ს პრესსამსახურში მომხდარის შესახებ მეტი დეტალის გაგებას. ინფორმაციის მიღების შემთხვევაში მასალა განახლდება.