"დარწმუნებულები ვართ, რომ ბუდუ გუნდს დაეხმარება" - ჰაიდენჰაიმის მწვრთნელი

ბუდუ ზივზივაძის ახალი კლუბის, ჰაიდენჰაიმის მთავარი მწვრთნელი, ფრანკ შმიდტი ქართველი ფეხბურთელის შესახებ დადებითად საუბრობს.

როგორია ჩემი შთაბეჭდილება „კარლსრუედან“ გადმოსულ მეორე დივიზიონის ბომბარდირ ბუდუ ზივზივაძეზე? კარგი. იმის მიუხედავადაც, რომ ახალი წლის პირველი დღეები მისთვის ძალიან დაძაბული იყო. უზომოდ მადლობელი ვარ „კარლსრუეს“ მწვრთნელის, კრისტიან აიხნერისა და მისი გუნდის, იმისთვის, რომ ჩვენ ახლა ტოპმოთამაშე გვყავს. მათ ზივზივაძე კარგად გახსნეს.

მჯერა, რომ ქართველი თავდამსხმელი „ჰაიდენჰაიმს“ დაუყოვნებლივ დაეხმარება, ხოლო სხვა მოთამაშეებს თავისი გამოცდილებით შეეშველება.